Fraud Case; ಆನ್‌ಲೈನ್‌ ಜಾಬ್‌: 3.83 ಲಕ್ಷ ರೂ. ವಂಚನೆ

Team Udayavani, Feb 1, 2024, 12:57 AM IST

ಪಡುಬಿದ್ರಿ: ಇಲ್ಲಿನ ಪಡುಹಿತ್ಲು ನಿವಾಸಿ ಬೇಬಿ (39) ಅವರು ಫೇಸ್‌ಬುಕ್‌ನಲ್ಲಿನ ಆನ್‌ಲೈನ್‌ ಜಾಬ್‌ ಜಾಹೀರಾತಿನಿಂದಾಗಿ ಮೋಸಕ್ಕೊಳಗಾಗಿದ್ದಾರೆ. ಆರೋಪಿಗಳ ವಿವಿಧ ಖಾತೆಗಳಿಗೆ ಗೂಗಲ್‌ ಪೇ ಮೂಲಕ ಬೇಬಿ ಅವರ ಪಣಂಬೂರಿನ ಎಸ್‌ಬಿಐ ಖಾತೆಯಿಂದ 3.83 ಲಕ್ಷ ರೂ. ಹಣ ವರ್ಗಾವಣೆಯಾಗಿದೆ. ಈ ವಂಚನೆ ಬಗ್ಗೆ ಪಡುಬಿದ್ರಿ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಬೇಬಿ ಅವರ ಗ್ಲೋ ಟಚ್‌ ಟೆಕ್ನೋಲಜೀಸ್‌ ಕಂಪೆನಿಯಲ್ಲಿ ತಾಂತ್ರಿಕ ಸಹಾಯಕಳಾಗಿ ವರ್ಕ್‌ ಫÅಮ್‌ ಹೋಮ್‌ ಮಾಡಿಕೊಂಡಿದ್ದರು. ಈ ನಡುವೆ 2023ರ ಅ. 26ರಂದು ಫೇಸ್‌ಬುಕ್‌ ನೋಡಿದಾಗ ಆನ್‌ಲೈನ್‌ ಜಾಬ್‌ ಜಾಹೀರಾತನ್ನು ಗಮನಿಸಿ ಓಪನ್‌ ಮಾಡಿ 7081930287ನೇ ನಂಬರ್‌ನ ವಾಟ್ಸ್‌ ಆ್ಯಪ್‌ ಮೂಲಕ ಚಾಟ್‌ ಮಾಡಿದಾಗ ಪಾರ್ಟ್‌ ಟೈಂ ಜಾಬ್‌ ಇದ್ದು, ಮೊಬೈಲ್‌ ಮುಖೇನ ಮನೆಯಲ್ಲಿಯೇ ಕೆಲಸ ಮಾಡಿ ದಿನಕ್ಕೆ 2,000 ರೂ. ಹಣ ಗಳಿಸಬಹುದು ಎಂಬುದಾಗಿ ಆಮಿಷ ಒಡ್ಡಲಾಗಿತ್ತು. ಬಳಿಕ ಬೇರೆ ಬೇರೆ ಆರೋಪಿತರ ವಿವಿಧ ಖಾತೆಗಳಿಗೆ ಹಂತ, ಹಂತವಾಗಿ ಹಣವನ್ನು ವರ್ಗಾವಣೆ ಮಾಡಿಸಿಕೊಳ್ಳಲಾಗಿದೆ ಎಂದು ದೂರಿನಲ್ಲಿ ತಿಳಿಸಲಾಗಿದೆ.