“ಸವಾಲುಗೆ ಒಡ್ಡಿದಾಗ ಸಾಮರ್ಥ್ಯ ಅನಾವರಣ’

Team Udayavani, Mar 23, 2018, 8:35 AM IST

ಕಾರ್ಕಳ: ಪ್ರತಿಯೊಬ್ಬ ವ್ಯಕ್ತಿ ಸಾಧನೆ ಮಾಡಬೇಕಾದರೆ ಆತ ತನ್ನ ನಿಯಮಿತ ಚೌಕಟ್ಟಿನಿಂದ ಹೊರಬರಬೇಕು. ಆತ ಜೀವನದಲ್ಲಿ ಸವಾಲುಗಳನ್ನು ಎದುರಿಸಿದಾಗಲೇ ಸಾಮರ್ಥ್ಯ ಹೊರಬರಲು ಸಾಧ್ಯ ಎಂದು ಶ್ರೀಭುವನೇಂದ್ರ ಕಾಲೇಜಿನ ಪ್ರಾಂಶುಪಾಲ ಡಾ| ಮಂಜುನಾಥ್‌ ಎ. ಕೋಟ್ಯಾನ್‌ ಹೇಳಿದರು.

ಮಂಜುನಾಥ ಪೈ ಸ್ಮಾರಕ ಸರಕಾರಿ ಪ್ರ. ದರ್ಜೆ ಕಾಲೇಜಿನ ಎಂಕಾಂ ಸ್ನಾತಕೋತ್ತರ ವಿಭಾಗ ಆಯೋಜಿಸಿದ ರಾಜ್ಯಮಟ್ಟದ ಮ್ಯಾನೇಜ್‌ಮೆಂಟ್‌ ಫೆಸ್ಟ್‌  ಪ್ಲೇಸ್ಟೋರ್‌-2018ನ್ನು ಉದ್ಘಾಟಿಸಿ ಅವರು ಮಾತನಾಡಿದರು.

ವಿದ್ಯಾರ್ಥಿಗಳು ಒಟ್ಟಾಗಿ ಸೇರಿ ಸಂಘಟಿಸುವ ವಿವಿಧ ಕಾರ್ಯಕ್ರಮಗಳು ವಿದ್ಯಾರ್ಥಿಗಳಲ್ಲಿ ಹಲವಾರು ಕೌಶಲಗಳನ್ನು ವೃದ್ಧಿಸುವಲ್ಲಿ ಸಹಕಾರಿಯಾಗುತ್ತದೆ. ಅಲ್ಲದೇ ನಾಗರಿಕ ಯುಗದಲ್ಲಿ ಅತ್ಯಮೂಲ್ಯವಾಗಿ ಬೇಕಾಗಿರುವ ಮಾನವೀಯ ಮೌಲ್ಯಗಳನ್ನು ರೂಪಿಸಿಕೊಳ್ಳುವಂತೆ ಮಾಡುತ್ತದೆ ಎಂದರು.ಅಧ್ಯಕ್ಷತೆಯನ್ನು ಎಂಪಿಎಂ ಪ್ರಾಂಶುಪಾಲ ಪೊ›| ಶ್ರೀವರ್ಮ ಅಜ್ರಿ ಎಂ.ವಹಿಸಿದ್ದರು.

ಎಂ.ಕಾಂ. ವಿಭಾಗದ ಸಂಯೋಜಕ ಪೊ›| ವಿದ್ಯಾದರ ಹೆಗ್ಡೆ ಎಸ್‌., ವಾಣಿಜ್ಯಶಾಸ್ತ್ರ ವಿಭಾಗದ ಮುಖ್ಯಸ್ಥೆ  ಜ್ಯೋತಿ ಎಲ್‌. ಜೆ, ಪ್ರಾಧ್ಯಾಪಕ ಸಂಯೋಜಕರಾದ ದಿವ್ಯ ಪ್ರಭು, ಪವನ್‌ ಉಪಸ್ಥಿತರಿದ್ದರು. ಪೊ›| ವಿದ್ಯಾಧರ ಹೆಗ್ಡೆ ಎಸ್‌. ಸ್ವಾಗತಿಸಿ, ಸಂದೀಪ್‌ ಭಟ್‌ ವಂದಿಸಿದರು. ಹಿರಣ್ಯ ನಿರೂಪಿಸಿದರು.