ಪರ್ಕಳ ರಸ್ತೆ ಅವ್ಯವಸ್ಥೆ: ಟ್ರಾಫಿಕ್‌ ಜಾಮ್‌

Team Udayavani, Dec 10, 2022, 1:00 AM IST

ಉಡುಪಿ: ಪರ್ಕಳ ರಸ್ತೆ ಅವ್ಯವಸ್ಥೆಯಿಂದ ವಾಹನ ಸವಾರರು ನಿತ್ಯ ಪರದಾಡುವಂತಾಗಿದೆ.
ಶುಕ್ರವಾರ ಸಂಜೆ ಪಾವಗಡದಿಂದ ಶಾಲಾ ಮಕ್ಕಳನ್ನು ಪ್ರವಾಸಕ್ಕೆ ಕರೆದುಕೊಂಡು ಬಂದಿರುವ ಬಸ್ಸೊಂದು ಕೆಳಪರ್ಕಳದ ಏರು ರಸ್ತೆಯಲ್ಲಿ ಏರಲು ಸಾಧ್ಯವಾಗದೆ ತಾಂತ್ರಿಕ ತೊಂದರೆಗೊಳಪಟ್ಟು ನಿಂತು ಬಿಟ್ಟಿತು.

ಇದರಿಂದ 3 ಗಂಟೆಗೂ ಅಧಿಕ ಕಾಲ ಇತರ ವಾಹನಗಳು ಪರ್ಕಳದ ರಸ್ತೆಯಲ್ಲಿ ಸಿಲುಕುವಂತಾಯಿತು. ಎರಡು ಕಡೆಗಳಿಂದ ಸಾಕಷ್ಟು ಉದ್ದದ ಸಾಲಿನಲ್ಲಿ ವಾಹನಗಳು ನಿಂತಿದ್ದು, ಇಕ್ಕಟ್ಟಾದ ರಸ್ತೆಯಲ್ಲಿ ಸಂಚಾರ ಕಷ್ಟಕರವಾಗಿತ್ತು.

ಶುಕ್ರವಾರ ಒಂದೇ ದಿನ 4 ಘನವಾಹನಗಳು ತಾಂತ್ರಿಕ ತೊಂದರೆಗೊಳಪಟ್ಟು ಈ ಏರು ರಸ್ತೆಯಲ್ಲೇ ನಿಂತ ಪರಿಣಾಮ ಸಾಕಷ್ಟು ಟ್ರಾಫಿಕ್‌ ಜಾಮ್‌ ಸಂಭವಿಸುವಂತಾಗಿದೆ.

ಜಿಲ್ಲಾಡಳಿತ, ಹೆದ್ದಾರಿ ಪ್ರಾಧಿಕಾರ ರಸ್ತೆಯನ್ನು ಶೀಘ್ರ ಸರಿಪಡಿಸುವಂತೆ ಪ್ರಯಾಣಿಕರು, ಸಾರ್ವಜನಿಕರು ಆಗ್ರಹಿಸಿದ್ದಾರೆ.