ಬಾಕಿ ಕಾಮಗಾರಿ ಪೂರ್ತಿ: ಸಂಚಾರ ಸಮಸ್ಯೆ ಪರಿಹಾರ

Team Udayavani, Apr 8, 2019, 6:30 AM IST

ಕೋಟ: ಸಾಸ್ತಾನ-ಪಾಂಡೇಶ್ವರದ ಮೂಲಕ ಬಾಕೂìರು ಸಂಪರ್ಕಿಸುವ ಪಿ.ಡಬ್ಲ್ಯುಡಿ. ರಸ್ತೆ ಕಳೆದ ವರ್ಷ 3.15 ಕೋ.ರೂ.ಗಿಂತ ಅಧಿಕ ವೆಚ್ಚದಲ್ಲಿ ಅಭಿವೃದ್ಧಿಪಡಿಸಲಾಗಿತ್ತು. ಆದರೆ ರಸ್ತೆ ಪ್ರವೇಶಿಸುವ ಮುಖ್ಯ ಸ್ಥಳದಲ್ಲೇ ಸುಮಾರು 10-15 ಮೀ. ನಷ್ಟು ಕಾಮಗಾರಿ ಬಾಕಿ ಉಳಿದು ವಾಹನ ಸವಾರರಿಗೆ ಸಂಚರಿಸಲು ಸಮಸ್ಯೆ ಯಾಗುತ್ತಿದ್ದು, ಈ ಕುರಿತು ಉದಯವಾಣಿ ಮಾ.30ರಂದು ವಿಸ್ಕೃತ ವರದಿ ಪ್ರಕಟಿಸಿತ್ತು. ಇದೀಗ ಎಚ್ಚೆತ್ತುಕೊಂಡ ಸಂಬಂಧಟ್ಟ ಇಲಾಖೆ ಎ.6ರಂದು ಬಾಕಿ ಉಳಿದ ಕಾಮಗಾರಿಯನ್ನು ಪೂರ್ತಿಗೊಳಿಸುವ ಮೂಲಕ ಸಮಸ್ಯೆ ಪರಿಹರಿಸಿದೆ.

ಈ ಹಿಂದೆ ಹೊಂಡ, ಕಲ್ಲು, ಧೂಳು ಆವರಿಸಿದ್ದು ವಾಹನ ಸವಾರರಿಗೆ ಸಂಚರಿಸಲು ಕಷ್ಟವಾಗಿತ್ತು.

ಒಂದು ವರ್ಷದಿಂದ ಈ ಸಮಸ್ಯೆ ಇದ್ದು ಸ್ಥಳೀಯಾಡಳಿತ, ಜನಪ್ರತಿನಿಧಿಗಳು ಸೇರಿದಂತೆ ಹಲವು ಮಂದಿಗೆ ದೂರು ಸಲ್ಲಿಸಿದರೂ ಸಮಸ್ಯೆ ಪರಿಹಾರವಾಗಿರಲಿಲ್ಲ. ಇದೀಗ ಪತ್ರಿಕೆಯ ಜನಪರ ಕಾಳಜಿಯ ವರದಿ ಪ್ರಕಟಿಸಿದ ಮೇಲೆ ಸಮಸ್ಯೆ ಬಗೆಹರಿದಿದೆ.