ಶಾಲೆಬಾಗಿಲು: ಲಾರಿಗೆ ಬಸ್‌, ಬೈಕ್‌ ಢಿಕ್ಕಿ

Team Udayavani, Aug 13, 2018, 11:35 AM IST

ಉಪ್ಪುಂದ: ರಾ. ಹೆದ್ದಾರಿ 66ರ ಉಪ್ಪುಂದ -ಶಾಲೆಬಾಗಿಲು ಸಮೀಪ ಶನಿವಾರ ರಾತ್ರಿ ಬಸ್‌, ಲಾರಿ ಹಾಗೂ ಬೈಕ್‌ ನಡುವೆ ಅಪಘಾತವಾಗಿದೆ. 

ಭಟ್ಕಳದಿಂದ ಧರ್ಮಸ್ಥಕ್ಕೆ ಕಡೆಗೆ ಹೋಗುತ್ತಿದ್ದ ಟೂರಿಸ್ಟ್‌ ಬಸ್‌ ಶಾಲೆಬಾಗಿಲು ಬಳಿ ಓವರ್‌ಟೇಕ್‌ ಮಾಡುವ ಭರದಲ್ಲಿ ಮಂಗಳೂರಿನಿಂದ ಗೋವಾಕ್ಕೆ ಹೋಗುತ್ತಿದ್ದ ಈಚರ್‌ ಲಾರಿಗೆ ಢಿಕ್ಕಿ ಹೊಡೆದಿದೆ. ಈ ಸಂದರ್ಭ ಲಾರಿ ಚಾಲಕ ತತ್‌ಕ್ಷಣ ಬ್ರೇಕ್‌ ಹಾಕಿದ ಪರಿಣಾಮ ಹಿಂದಿನಿಂದ ಬರುತ್ತಿದ್ದ ಬೈಕ್‌ ಲಾರಿಗೆ ಢಿಕ್ಕಿಯಾಗಿದ್ದು,  ಸವಾರರು ರಸ್ತೆಗೆ ಬಿದ್ದು ಗಾಯಗೊಂಡಿದ್ದಾರೆ. ಅದೃಷ್ಟವಶಾತ್‌ ಯಾವುದೇ ಜೀವ ಹಾನಿ ಸಂಭವಿಸಲಿಲ್ಲ.

ಬಸ್‌ ಹಾಗೂ ಲಾರಿ ಜಖಂಗೊಂ ಡಿದೆ. ವಾಹನಗಳ ಸಂಚಾರದಲ್ಲಿ ಸ್ವಲ್ಪ ಹೊತ್ತು ಅಡಚಣೆ ಉಂಟಾಯಿತು. ವಾಹನಗಳ ಸುಗಮ ಸಂಚಾರಕ್ಕೆ ಸ್ಥಳೀ ಯರು ಸಹಕರಿಸಿದರು. ಬಸ್‌ನಲ್ಲಿದ್ದ ಪ್ರಯಾಣಿಕರು ಬೇರೆ ಬಸ್‌ ಮೂಲಕ ಪ್ರಯಾಣ ಮುಂದುವರಿಸಿದರು. ಈ ಸಂಬಂಧ ಯಾವುದೇ ಪ್ರಕರಣ ದಾಖಲಾಗಲಿಲ್ಲ.