ಕೊಡಿಹಬ್ಬ ಸಂಭ್ರಮ ಬಿಡಿಸಿಟ್ಟ ಮರಳುಶಿಲ್ಪ

Team Udayavani, Nov 23, 2018, 2:20 AM IST

ಕೋಟೇಶ್ವರ: ಕರಾವಳಿ ಜಿಲ್ಲೆಯ ಅತಿದೊಡ್ಡ ಮತ್ತು ಇತಿಹಾಸ ಪ್ರಸಿದ್ಧ ಪರಶಿವನು ನೆಲೆಸಿ, ಪಾವನಗೊಳಿಸಿದ ಭವ್ಯ ತಾಣ ಕೋಟೇಶ್ವರ. ಇಲ್ಲಿನ ಶ್ರೀ ಕೋಟಿಲಿಂಗೇಶ್ವರ ದೇವಸ್ಥಾನದ ಕೊಡಿಹಬ್ಬದ (ರಥೋತ್ಸವ) ಅಂಗವಾಗಿ ಪರಂಪರಾನುಗತವಾಗಿ ನವದಂಪತಿ ಕಬ್ಬನ್ನು ಪ್ರಸಾದ ರೂಪವಾಗಿ ಸ್ವೀಕರಿಸುವ ಪದ್ಧತಿಯಲ್ಲೊಂದು.

ಇಂತಹ ನಮ್ಮೂರ ಕೊಡಿ ಹಬ್ಬ ಎಂಬ ಶೀರ್ಷಿಕೆಯಡಿಯಲ್ಲಿ ಮೂಲ ದೇವರ ವಿಗ್ರಹದೊಂದಿಗೆ, ನವ ದಂಪತಿಗಳು ಪ್ರಾರ್ಥಿಸುವ ಮತ್ತು ಕಬ್ಬಿನ ಸಿರಿಯ ದೃಶ್ಯದೊಂದಿಗೆ ಸ್ಯಾಂಡ್‌ ಥೀಂ ಉಡುಪಿ ತಂಡವು ಕಲಾವಿದ ಹರೀಶ್‌ ಸಾಗಾ ನೇತೃತ್ವದಲ್ಲಿ ರಾಘವೇಂದ್ರ, ಜೈ ನೇರಳೆಕಟ್ಟೆ, ಪ್ರಸಾದ್‌ ಆರ್‌. ಕೋಟೇಶ್ವರ ಹಳೆ-ಅಳಿವೆ ಕೋಡಿ ಬೀಚ್‌ ನಲ್ಲಿ 12 ಅಡಿ ಅಗಲ ಮತ್ತು 4.5  ಅಡಿ ಎತ್ತರದ ಮರಳಿನ ಶಿಲ್ಪ ರಚಿಸಲಾಗಿದೆ.