ಶ್ರೀ ಶಂಕರನಾರಾಯಣಾನುಗ್ರಹ ಪ್ರಶಸ್ತಿ ಪ್ರದಾನ

Team Udayavani, Jan 25, 2019, 12:50 AM IST

ಮಲ್ಪೆ: ಕೊಡವೂರು ಶ್ರೀ ಶಂಕರನಾರಾಯಣ ದೇವಸ್ಥಾನದ ರಥೋತ್ಸವದ ಸಂದರ್ಭ ನಿರಂತರ 28 ವರ್ಷಗಳಿಂದ ಸಂಗೀತ ಸೇವೆ ಯನ್ನು ಉಚಿತವಾಗಿ ನೀಡುತ್ತಿರುವ ಅರವಿಂದ್‌ ಕಿಗ್ಗಾಲ್‌ ಮತ್ತು ಜಯಶ್ರೀ ಅರವಿಂದ್‌ ಬೆಂಗಳೂರು ಅವರಿಗೆ ದೇಗುಲದ ಆಡಳಿತ ಮಂಡಳಿಯ ವತಿಯಿಂದ ಶ್ರೀ ಶಂಕರನಾರಾಯಣಾನುಗ್ರಹ ಪ್ರಶಸ್ತಿ ನೀಡಿ ಗೌರವಿಸಲಾಯಿತು.

ಪ್ರಶಸ್ತಿ ಸ್ವೀಕರಿಸಿ ಮಾತನಾಡಿದ ಜಯಶ್ರೀ ಅರವಿಂದ್‌ ಅವರು ಕಲಾವಿದರು ಯಾವುದೇ ಅಪೇಕ್ಷೆಗಾಗಿ ಸಾಧನೆ ಮಾಡುವುದಿಲ್ಲ. ಮನಸ್ಸಿನ ಆನಂದಕ್ಕಾಗಿ ಸಾಧನೆ ಮಾಡುತ್ತಾರೆ. ಕುಲದೇವರು ಶಂಕರನಾರಾಯಣ ನಿಗೆ ಮಹಾರಥೋತ್ಸವದ ಈ ಸಂದರ್ಭ ಸೇವೆ ಮಾಡಲು ಆರಂಭಿಸಿ 28 ವರ್ಷ ಸರಿದು ಹೋದದ್ದೇ ಗೊತ್ತಾಗಿಲ್ಲ. ಶಂಕರನಾರಾಯಣ ದೇವರ ಹೆಸರಿನಲ್ಲಿ ಪ್ರಶಸ್ತಿ ಪಡೆದದ್ದು ನನ್ನ ಸೌಭಾಗ್ಯ, ನಾನೀಗ ಕೊಡವೂರ ಪುತ್ರಿಯಂತೆಯೇ ಆಗಿರುವೆ ಎಂದರು.

ದೇಗುಲದ ಪ್ರಧಾನ ತಂತ್ರಿ ವೇ| ಮೂ| ಪುತ್ತೂರು ಹಯವದನ ತಂತ್ರಿ ಆಶೀರ್ವಚಿಸಿದರು. ವ್ಯವಸ್ಥಾಪನ ಸಮಿತಿಯ ಭಾಸ್ಕರ್‌ ಪಾಲನ್‌ ಬಾಚನಬೈಲು, ಎ. ರಾಜ ಸೇರಿಗಾರ್‌, ಸುಧಾ ಎನ್‌. ಶೆಟ್ಟಿ, ಬೇಬಿ ಮೆಂಡನ್‌, ಬಾಬ ಕೆ., ಚಂದ್ರಕಾಂತ ಪುತ್ರನ್‌ ಕಾನಂಗಿ ಉಪಸ್ಥಿತರಿದ್ದರು.

ಆಡಳಿತ ಮಂಡಳಿ ಸದಸ್ಯ ಜನಾರ್ದನ್‌ ಕೊಡವೂರು ಸ್ವಾಗತಿಸಿ ದರು. ಪೂರ್ಣಿಮಾ ಜನಾರ್ದನ್‌ ಕಾರ್ಯಕ್ರಮ ನಿರೂಪಿಸಿದರು. ಸತೀಶ್‌ ಕೊಡವೂರು ವಂದಿಸಿದರು.