Manipal: ಪಾರ್ಟ್‌ಟೈಮ್‌ ಜಾಬ್‌ ಲಿಂಕ್‌ 10.83 ಲಕ್ಷ ರೂ ಕಳೆದುಕೊಂಡ ವಿದ್ಯಾರ್ಥಿ

Team Udayavani, May 25, 2024, 9:25 PM IST

ಮಣಿಪಾಲ: ಇಲ್ಲಿನ ಹಾಸ್ಟೆಲ್‌ ಒಂದರಲ್ಲಿ ವಾಸವಿರುವ ವಂಶದೀಪ್‌ ಎಂಬ ವಿದ್ಯಾರ್ಥಿಯು ಪಾರ್ಟ್‌ಟೈಮ್‌ ಜಾಬ್‌ನಲ್ಲಿ ಹೆಚ್ಚು ಹಣ ಗಳಿಸುವ ಆಮಿಷಕ್ಕೆ ಮರುಳಾಗಿ 10.83 ಲಕ್ಷ ರೂ. ಹಣವನ್ನು ಕಳೆದುಕೊಂಡ ಘಟನೆ ನಡೆದಿದೆ.

ವಂಶದೀಪ್‌ ಅವರ ವಾಟ್ಸಾಪ್‌ಗೆ ಪಾರ್ಟ್‌ಟೈಮ್‌ ಜಾಬ್‌ ಕುರಿತು ಲಿಂಕ್‌ವೊಂದನ್ನು ಅಪರಿಚಿತರು ಕಳಿಸಿ ಅನಂತರ ಟೆಲಿಗ್ರಾಮ್‌ ಆ್ಯಪ್‌ನಲ್ಲಿ ವಿವಿಧ ರೀತಿಯ ಟಾಸ್ಕ್ ನೀಡಿ ಅನಂತರ 7,860 ರೂ. ಹಣವನ್ನು ಬ್ಯಾಂಕ್‌ ಖಾತೆಗೆ ಹಾಕಿದ್ದಾರೆ. ಇನ್ನು ಹೆಚ್ಚು ಲಾಭ ಪಡೆಯಲು ಹೆಚ್ಚಿನ ಹಣವನ್ನು ಇನ್ವೆಸ್ಟ್‌ ಮಾಡುವಂತೆ ತಿಳಿಸಿದ್ದು, ಹಂತ ಹಂತವಾಗಿ 10.83 ಲಕ್ಷ ರೂ. ಅಪರಿಚಿತ ಬ್ಯಾಂಕ್‌ ಖಾತೆಗೆ ಹಣವನ್ನು ವರ್ಗಾಯಿಸಿ ಮೋಸ ಹೋಗಿದ್ದಾರೆ. ಮಣಿಪಾಲ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.