ಕೈಲ್ಕೆರೆ: ಇಲಿ ಪಾಷಾಣ ಸೇವಿಸಿ ಸಾವು

Team Udayavani, Feb 23, 2017, 12:30 PM IST

ಕುಂದಾಪುರ : ಜಪ್ತಿ ಗ್ರಾಮದ ಕೈಲ್ಕೆರೆ ತೋಟದ ಮನೆಯಲ್ಲಿ ಫೆ.12ರಂದು ಮನೆಯಲ್ಲಿ ಇಲಿ ಪಾಷಾಣ ಸೇವಿಸಿ ಅಸ್ವಸ್ಥರಾಗಿ ಆಸ್ಪತ್ರೆಗೆ ದಾಖಲಾಗಿದ್ದ ನಿವಾಸಿ ಆನಂದ ಕೊಠಾರಿ (63) ಅವರು ಚಿಕಿತ್ಸೆ ಫಲಕಾರಿಯಾಗದೇ  ಫೆ.20ರಂದು ರಾತ್ರಿ ಮೃತಪಟ್ಟಿrದ್ದಾರೆ.

ಆನಂದ ಕೊಠಾರಿ ಅವರು ವಿಪರೀತ ಮದ್ಯಸೇವನೆಯ ಚಟು ಉಳ್ಳವರಾಗಿದ್ದು, ದುಡಿದ ಹಣವನ್ನೆಲ್ಲಾ  ಕುಡಿತಕ್ಕೆ ಉಪಯೋಗಿಸುತ್ತಿದ್ದರು. ಕುಡಿಯಲು ಹಣ ಇಲ್ಲ ಎಂಬ ಚಿಂತೆಯಿಂದ ಅವರು ತಮ್ಮ ತೋಟದ ಮನೆಯಲ್ಲಿ ಇಲಿಪಾಷಾಣವನ್ನು ಕುಡಿದಿದ್ದರು ಎಂದು ಅವರ ಪುತ್ರ ನೀಡಿದ ದೂರಿನಲ್ಲಿ ತಿಳಿಸಲಾಗಿದೆ.  ತೀವ್ರ ಅಸ್ವಸ್ಥಗೊಂಡ ಅವರನ್ನು ಕೋಟೇಶ್ವರದ ಕಾಸಗಿ ಆಸ್ಪತ್ರೆಯಲ್ಲಿ ಪ್ರಥಮ ಚಿಕಿತ್ಸೆ ಪಡೆದುಕೊಂಡು ಉಡುಪಿಯ ಆಸ್ಪತ್ರೆಗೆ ಚಿಕಿತ್ಸೆಗೆ ದಾಖಲಿಸಲಾಗಿತ್ತು. ಚಿಕಿತ್ಸೆ ಫಲಕಾರಿಯಾಗದೇ ಅವರು ಮೃತಪಟ್ಟಿದ್ದಾರೆ. ಕುಂದಾಪುರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.