ಉಪ್ಪುಂದ ಸರ್ಜಿಕಲ್  ಕೆಲಸಗಾರರಿಗೆ ಪೊಲೀಸ್ ಲಾಠಿ ಪ್ರಹಾರ ಜಿಲ್ಲಾಧಿಕಾರಿಗೆ ದೂರು

Team Udayavani, Mar 26, 2020, 7:43 PM IST

ಬೈಂದೂರು: ಕೋವಿಡ್‌ 19 ಹಿನ್ನಲೆಯಲ್ಲಿ ವೈದ್ಯಕೀಯ ಸೇವೆಗೆ ಅವಶ್ಯವಾದ ಮಾಸ್ಕ್ ಹಾಗೂ ಸರ್ಜಿಕಲ್ ಬಹಳಷ್ಟು ಬೇಡಿಕೆ ಇದೆ.

ಈಗಾಗಲೆ ವೈದ್ಯರು ಹಾಗೂ ಅಧಿಕಾರಿಗಳು ಜಿಲ್ಲೆಯಲ್ಲಿರುವ ಸರ್ಜಿಕಲ್ ಉದ್ಯಮಗಳಿಗೆ ಅದಷ್ಟು ಹೆಚ್ಚು ಸರಬರಾಜು ಮಾಡಲು ತಿಳಿಸಿದ ಹಿನ್ನಲೆಯಲ್ಲಿ ಉಪ್ಪುಂದ ಬೆಳ್ಕೆ ಯಲ್ಲಿರುವ ಸರ್ಜಿಕಲ್ ಉದ್ಯಮ ಕೋವಿಡ್‌ 19 ಭೀತಿಯಲ್ಲೂ ಕಾರ್ಯನಿರ್ವಹಿಸುತ್ತಿದೆ.

ಇದರ ನಡುವೆ ಕಾರ್ಮಿಕರನ್ನು ಕರೆ ತರುವ ವಾಹನ ಚಾಲಕನಿಗೆ ಬೈಂದೂರು ಠಾಣಾಧಿಕಾರಿಗಳ ಜೀಪ್ ಚಾಲಕ ಹೊಡೆದಿರುವ ಪರಿಣಾಮ ಸರ್ಜಿಕಲ್ ಕಾರ್ಮಿಕರು ಕೆಲಸಕ್ಕೆ ಬರುತ್ತಿಲ್ಲ.

ಇದರಿಂದಾಗಿ ಅತಿ ಅಗತ್ಯವಾದ ಸರ್ಜಿಕಲ್ ಸಲಕರಣೆ ದೊಡ್ಡ ಸಮಸ್ಯೆಯಾಗುತ್ತಿದೆ.ಈ ಪ್ರಕರಣದ ಕುರಿತು ಉಡುಪಿ ಜಿಲ್ಲಾಧಿಕಾರಿಗಳಿಗೆ ದೂರು ನೀಡಿದ್ದು ಸ್ಥಳಕ್ಕೆ ಬೈಂದೂರು ತಹಶೀಲ್ದಾರ್ ಬೇಟಿ ನೀಡಿದ್ದಾರೆ.