ಅಪಘಾತ ಆಹ್ವಾನಿಸುತ್ತಿದೆ ಬಿ.ಎಚ್‌. ರಸ್ತೆ ಜಂಕ್ಷನ್‌

Team Udayavani, Mar 8, 2019, 1:00 AM IST

ಬಸ್ರೂರು: ಬಸ್ರೂರು- ಹುಣ್ಸೆಮಕ್ಕಿ ರಸ್ತೆ (ಬಿ.ಎಚ್‌. ರಸ್ತೆ ) ಜಂಕ್ಷನ್‌ ಅತ್ಯಂತ ಅಪಾಯಕಾರಿಯಾಗಿದ್ದು, ಅಪಾಯ ಆಹ್ವಾನಿಸುತ್ತಿದೆ.

ಸೂಚನಾ ಫ‌ಲಕಗಳೂ ಇಲ್ಲ
ಈ ಜಂಕ್ಷನ್‌ನ ಎಡಕ್ಕೆ ಇರುವ ರಸ್ತೆಯಲ್ಲಿ ಕಂಡೂÉರು ಕಡೆಗೆ, ನೇರ ಹೋದರೆ ಜಪ್ತಿ, ಹುಣ್ಸೆಮಕ್ಕಿ, ಬಿದ್ಕಲ್‌ಕಟ್ಟೆಗೆ ತೆರಳಬಹುದು. ಇಲ್ಲಿ ವಾಹನ ಸವಾರರಿಗೆ ಅನುಕೂಲವಾಗುವ ನಿಟ್ಟಿನಲ್ಲಿ ಯಾವುದೇ ಸೂಚನಾ ಫ‌ಲಕಗಳನ್ನೂ ಅಳವಡಿಸಿಲ್ಲ. ವಾಹನಗಳ ವೇಗ ಕುಂಠಿತಗೊಳಿಸಲು ಹಂಪ್ಸ್‌ಗಳೂ ಸಹ ಇಲ್ಲ.  ಈಗಾಗಲೇ ಹಲವು ಅಪಘಾತಗಳು ಇಲ್ಲಿ ಸಂಭವಿಸಿದ್ದರೂ ಸಂಬಂಧಪಟ್ಟ ಇಲಾಖೆ ಇದುವರೆಗೆ ಯಾವುದೇ ಕ್ರಮ ತೆಗೆದುಕೊಂಡಿಲ್ಲ ಎನ್ನುವುದು ಸ್ಥಳೀಯರ ದೂರು.

ತತ್‌ಕ್ಷಣ ಸೂಚನಾ ಫಲಕಗಳು ಮತ್ತು ಬ್ಯಾರಿಕೇಡ್‌ಗಳನ್ನು ಅಳವಡಿಸಿ ಮುಂದೆ ಸಂಭವಿಸಬಹುದಾದ ಅಪಘಾತಗಳನ್ನು ತಡೆ ಯಲು ಇನ್ನಾದರೂ ಕ್ರಮ ಕೈಗೊಳ್ಳಬೇಕು ಎಂದು ಸ್ಥಳೀಯರು ಆಗ್ರಹಿಸಿದ್ದಾರೆ.

ತತ್‌ಕ್ಷಣ ಕ್ರಮ ಕೈಗೊಳ್ಳಿ
ಬಸ್ರೂರು-ಬಿ.ಎಚ್‌. ರಸ್ತೆ ತಿರುವು ಪ್ರಸ್ತುತ ಅಪಾಯಕಾರಿಯಾಗಿದ್ದು ಇಲ್ಲಿ ಪದೇ ಪದೇ ಅಪಘಾತಗಳು ಸಂಭವಿಸುತ್ತಿವೆ.ಸಂಬಂಧಿಸಿದ ಇಲಾಖೆ ತತ್‌ಕ್ಷಣ ಸೂಕ್ತ ಕ್ರಮ ತೆಗೆದುಕೊಂಡರೆ ಸಂಭವನೀಯ ಅಪಘಾತಗಳನ್ನು ತಡೆಯಬಹುದು.
-ರಾಮ ಪೂಜಾರಿ, ಸ್ಥಳೀಯ ನಿವಾಸಿ