ಸಂತೆಕಟ್ಟೆ: ಮೀನು ಮಾರಾಟಗಾರರ ಸಮಸ್ಯೆ; ಶಾಸಕರಿಂದ ಸಮಾಲೋಚನೆ

Team Udayavani, Jun 30, 2018, 7:45 AM IST

ಉಡುಪಿ: ಕಲ್ಯಾಣಪುರ – ಸಂತೆಕಟ್ಟೆ ಮೀನು ಮಾರುಕಟ್ಟೆಯ ಮೀನು ಮಾರಾಟಗಾರರ ಸಮಸ್ಯೆ ಬಗ್ಗೆ ಶಾಸಕ ಕೆ. ರಘುಪತಿ ಭಟ್‌ ಮಾರುಕಟ್ಟೆಗೆ ಬುಧವಾರ ಭೇಟಿ ನೀಡಿ ಸ್ಥಳೀಯ ಜನಪ್ರತಿನಿಧಿಗಳು, ಮೀನು ಮಾರಾಟಗಾರರೊಂದಿಗೆ ಸಮಾಲೋಚನೆ ನಡೆಸಿದರು.

ರಾ.ಹೆ. 66 ಅಗಲೀಕರಣ ಹಿನ್ನೆಲೆಯಲ್ಲಿ ಸ್ಥಳಾಂತರಗೊಳ್ಳುತ್ತಿರುವ ಕಲ್ಯಾಣಪುರ – ಸಂತೆಕಟ್ಟೆ ಮೀನು ಮಾರುಕಟ್ಟೆಯಲ್ಲಿ ಮೀನು ಮಾರಾಟ ಮಾಡುತ್ತಿರುವ ಸುಮಾರು 75 ವರ್ಷಕ್ಕಿಂತಲೂ ಹೆಚ್ಚಿನ ಪ್ರಾಯದ ಹಲವು ಮಹಿಳೆಯರಿಗೆ ಸಾಗಾಟದ  ತೊಂದರೆ, ಸ್ಥಳಾಂತರಗೊಳ್ಳುತ್ತಿರುವ ಪ್ರದೇಶದಲ್ಲಿ ಗ್ರಾಹಕರ ಸಂಭವನೀಯ ಇಳಿಮುಖ ಇತ್ಯಾದಿ ಸಮಸ್ಯೆಗಳ ಬಗ್ಗೆ ಶಾಸಕರು ಮಾಹಿತಿ ಪಡೆದರು. 

ಕಲ್ಯಾಣಪುರ ಗ್ರಾ.ಪಂ. ಮಾಜಿ ಅಧ್ಯಕ್ಷ ಸತೀಶ್‌ ನೇಜಾರು, ಮಾಜಿ ಉಪಾಧ್ಯಕ್ಷ ಅಪ್ಪು ಜತ್ತನ್‌, ಗ್ರಾ.ಪಂ. ಸದಸ್ಯ ನವೀನ್‌ ಕಾಂಚನ್‌, ತಾ| ಹಸಿ ಮೀನು ಮಾರಾಟಗಾರರ ಸಂಘದ ಕಾರ್ಯದರ್ಶಿ ಜಯಂತಿ, ಮೀನು ಮಾರಾಟಗಾರರಾದ ಲಲಿತಾ, ವತ್ಸಲಾ, ಜಯಂತಿ ಅಮೀನ್‌ ಮೊದಲಾದವರು ಉಪಸ್ಥಿತರಿದ್ದರು.