ಮಲ್ಪೆ ಬೀಚ್‌, ಸೈಂಟ್‌ಮೇರಿ ದ್ವೀಪಕ್ಕೆ ಪ್ರವಾಸಿಗರ ದಂಡು

Team Udayavani, Dec 18, 2022, 11:25 PM IST

ಮಲ್ಪೆ: ವರ್ಷಾಂತ್ಯದ ಹಿನ್ನೆಲೆಯಲ್ಲಿ ರಾಜ್ಯದ ವಿವಿಧ ಕಡೆಗಳಿಂದ ಕರಾವಳಿಯ ಧಾರ್ಮಿಕ, ಪ್ರವಾಸಿ ಕ್ಷೇತ್ರಗಳಿಗೆ ಜನರು ಆಗಮಿಸುತ್ತಿದ್ದು, ಮಲ್ಪೆ ಕಡಲತೀರದಲ್ಲಿ ರವಿವಾರ ಜನಸಾಗರವೇ ಕಂಡು ಬಂದಿತು.

ರಾಜ್ಯ ಹಾಗೂ ಹೊರರಾಜ್ಯದ ಶಾಲಾ ಕಾಲೇಜುಗಳ ವಿದ್ಯಾರ್ಥಿಗಳು ಅಪಾರ ಸಂಖ್ಯೆ ಕಂಡ ಬಂದಿದ್ದಾರೆ. ಕೋವಿಡ್‌ ಕಾರಣಕ್ಕೆ ಕಳೆದ ಎರಡು ವರ್ಷಗಳಿಂದ ರದ್ದಾಗಿದ್ದ ಶೈಕ್ಷಣಿಕ ಪ್ರವಾಸಕ್ಕೆ ಈ ವರ್ಷ ಮರುಚಾಲನೆ ಸಿಕ್ಕಿರುವುದರಿಂದ ಈ ವರ್ಷ ನಿರಾತಂಕವಾಗಿ ವಿದ್ಯಾರ್ಥಿಗಳು ಬರುತ್ತಿದ್ದಾರೆ. ರವಿವಾರ ಸೈಂಟ್‌ಮೇರಿ ಐಲ್ಯಾಂಡ್‌, ಸೀವಾಕ್‌ವೆà, ಪಡುಕರೆ ಬೀಚ್‌ ಸೇರಿದಂತೆ ಕಡಲತೀರಗಳು ಭರ್ತಿಯಾಗಿದ್ದವು.

ವಾಹನ ದಟ್ಟಣೆ
ಪ್ರವಾಸಿಗರ ನೂರಾರು ವಾಹನಗಳು ಆಗಮಿಸಿದ ಕಾರಣ ವಾಹನ ದಟ್ಟಣೆ ಹೆಚ್ಚಾಗಿ ಮಲ್ಪೆ ನಗರದ ರಸ್ತೆಯಲ್ಲಿ ಟ್ರಾಫಿಕ್‌ ಜಾಮ್‌ ಸಮಸ್ಯೆ ತಲೆದೋರಿತು. ಪೊಲೀಸರು ಸುಗಮ ಸಂಚಾರಕ್ಕೆ ಹರಸಾಹಸ ಪಡಬೇಕಾಯಿತು.