ಉಡುಪಿ: ಬಸ್ಸಿನಲ್ಲಿದ್ದ ಬ್ಯಾಗ್‌ ನಾಪತ್ತೆ

Team Udayavani, Feb 23, 2017, 12:35 PM IST

ಉಡುಪಿ: ಬಸ್ಸಿನಲ್ಲಿ ಪ್ರಯಾಣಿಸುತ್ತಿದ್ದ ವೇಳೆ ಸ್ಲಿಪರ್‌ ಕೋಚ್‌ನಲ್ಲಿ ಇಟ್ಟಿದ್ದ ಬ್ಯಾಗು ನಾಪತ್ತೆಯಾಗಿದೆ. ಬ್ಯಾಗಿನಲ್ಲಿ ನಗದು, ಲಕ್ಷಾಂತರ ರೂಪಾಯಿ ಮೌಲ್ಯದ ಚಿನ್ನಾಭರಣ, ದಾಖಲೆಗಳಿದ್ದವು.

ಮೂಲತಃ ಎಣ್ಣೆಹೊಳೆಯ ಪ್ರವೀಣ್‌ ಮಲ್ಯ ಅವರು ಕುಂಜಿಬೆಟ್ಟುವಿನ ಸಹೋದರಿಯ ಮನೆಗೆ ಬಂದು ಬೆಂಗಳೂರಿಗೆ ಫೆ. 20ರ ರಾತ್ರಿ ಖಾಸಗಿ ಬಸ್ಸಿನಲ್ಲಿ ಹೊರಟಿದ್ದರು. ರಾತ್ರಿ 10ರ ಸುಮಾರಿಗೆ ಉಡುಪಿಯಿಂದ ಸ್ಲಿಪರ್‌ ಕೋಚ್‌ ಬಸ್‌ ಹೊರಟಿತ್ತು. ಬಸ್ಸಿನ ಕಿಟಕಿಯ ಸಮೀಪದಲ್ಲಿಯೇ ಬ್ಯಾಗು ಇದ್ದಿತ್ತು. 

ಕಾಪು ಮುಟ್ಟುತ್ತಿದ್ದಂತೆಯೇ ಬ್ಯಾಗು ಕಾಣೆಯಾಗಿತ್ತು. ಬಳಿಕ ಪ್ರವೀಣ್‌ ಅವರು ಕಾಪುವಿನಿಂದ ಉಡುಪಿಯವರೆಗೆ ಹುಡುಕಾಟ ನಡೆಸಿದ್ದರೂ ಬ್ಯಾಗ್‌ ಪತ್ತೆಯಾಗಿಲ್ಲ. ಕಾಪು, ಉಡುಪಿ ಪೊಲೀಸರಿಗೆ ಮಾಹಿತಿ ನೀಡಲಾಗಿದೆ.

ನೀಲಿ ಕಲರ್‌ನ ಬ್ಯಾಗಿನಲ್ಲಿ 6,000 ರೂ. ನಗದು, ಕ್ರೆಡಿಟ್‌, ಡೆಬಿಟ್‌ ಕಾರ್ಡ್‌, ಡಿಎಲ್‌ ಹಾಗೂ 7 ಲ.ರೂ. ಮೌಲ್ಯದ ಚಿನ್ನಾಭರಣಗಳಿದ್ದವು. ಬ್ಯಾಗ್‌ ಸಿಕ್ಕಿದವರು ಈ ಸಂಖ್ಯೆಗೆ 7760985841 ಕರೆ ಮಾಡಿದರೆ  ಸೂಕ್ತ ಬಹುಮಾನ ನೀಡುವುದಾಗಿ ಪ್ರಕಟನೆ ತಿಳಿಸಿದೆ.