ಉಡುಪಿ ನಗರ-ಗ್ರಾಮಾಂತರದಲ್ಲಿ ನಿರಂತರ ಮಳೆ

Team Udayavani, Jul 7, 2018, 7:40 AM IST

ಉಡುಪಿ: ಉಡುಪಿಯಲ್ಲಿ ಶುಕ್ರವಾರ ಮಳೆ ಮತ್ತೆ ಬಿರುಸುಗೊಂಡಿತು. ಕಳೆದ 2-3 ದಿನಗಳ ಕಾಲ ಬಿಸಿಲಿನ ವಾತಾವರಣ ಕಂಡಿದ್ದ ಜನತೆಗೆ ಗುರುವಾರ ರಾತ್ರಿ ಗಾಳಿ ಮಳೆ ನೋಡಿತು, ಶುಕ್ರವಾರ ಬೆಳಗ್ಗೆ ಉತ್ತಮ ವರುಣ ದರ್ಶನವಾಯಿತು. ತಾಲೂಕಿನಾದ್ಯಂತ ಎಡೆಬಿಡದೆ ಸುರಿದ ಮಳೆಯಿಂದಾಗಿ ರಸ್ತೆಗಳಲ್ಲಿಯೂ ನೀರು ಹರಿದು ಹಲವೆಡೆ ವಾಹನ ಸಂಚಾರಕ್ಕೆ ತೊಡಕಾಯಿತು. ತಗ್ಗು ಪ್ರದೇಶಗಳು ಮತ್ತೆ ಜಲಾವೃತಗೊಂಡವು. 

ಉಡುಪಿ ಮತ್ತು ಮಣಿಪಾಲದ ಹಲವೆಡೆ ರಸ್ತೆ ಹೊಂಡಗಳು ಮತ್ತು ಮಳೆ ನೀರು ವಾಹನ ಸವಾರರಿಗೆ ಸವಾಲೊಡ್ಡಿತು.
48 ಮಿ.ಮೀ. ಮಳೆ ಉಡುಪಿ ಜಿಲ್ಲೆಯಲ್ಲಿ ಜು.6ರ ಬೆಳಗ್ಗೆ 8.30ಕ್ಕೆ ಕೊನೆಗೊಂಡಂತೆ ಹಿಂದಿನ 24 ಗಂಟೆಗಳ ಕಾಲ ಉಡುಪಿ ಜಿಲ್ಲೆಯಲ್ಲಿ ಸರಾಸರಿ 48 ಮಿ.ಮೀ ಮಳೆ ಸುರಿದಿದೆ. ಉಡುಪಿ ತಾಲೂಕಿನಲ್ಲಿ 40.2 ಮಿ.ಮೀ, ಕುಂದಾಪುರದಲ್ಲಿ 65.6 ಮಿ.ಮೀ, ಕಾರ್ಕಳದಲ್ಲಿ 38.3 ಮಿ.ಮೀ ಮಳೆಯಾಗಿದೆ.