ಮೂಡುಗಿಳಿಯಾರಿನಲ್ಲಿ ಜಗತ್ತಿನ ಅತ್ಯಂತ ಎತ್ತರದ ವಿವೇಕಾನಂದರ ಪ್ರತಿಮೆ ಅನಾವರಣ

Team Udayavani, Feb 1, 2020, 7:52 PM IST

ಕೋಟ: ಕೋಟದ ಮೂಡುಗಿಳಿಯಾರಿನಲ್ಲಿ ನೂತನವಾಗಿ ನಿರ್ಮಾಣಗೊಂಡ ಸಾಲಿಗ್ರಾಮ ಡಿವೈನ್ ಪಾರ್ಕ್ ನ ಅಂಗಸಂಸ್ಥೆಯಾದ ಸರ್ವಕ್ಷೇಮ ಆಸ್ಪತ್ರೆ ಹಾಗೂ ಸಂಶೋಧನಾ ಪ್ರತಿಷ್ಠಾನದ ಯೋಗಬನದಲ್ಲಿ ಜಗತ್ತಿನ ಅತೀ ದೊಡ್ಡ 35 ಅಡಿ ಎತ್ತರದ ಸ್ವಾಮಿ ವಿವೇಕಾನಂದರ ಕಾಂಕ್ರೆಟ್ ಪ್ರತಿಮೆಯನ್ನು ನಿರ್ಮಿಸಲಾಗಿದ್ದು ಇದರ ಅನಾವರಣ ಫೆ.1ರಂದು ಜರಗಿತು.

ಜಿಗಣಿ ಸ್ವಾಮಿ ವಿವೇಕಾನಂದ ಯೋಗ ವಿವಿಯ ಕುಲಪತಿ ಡಾ.ಎಚ್.ಆರ್.ನಾಗೇಂದ್ರ ಜೀ ಅವರು ಅನಾವರಣಗೊಳಿಸಿದರು.
ಕನ್ಯಾಕುಮಾರಿಯಲಿರುವ ಕೈಗಳನ್ನು ಕೆಳಗಿಳಿಸಿಕೊಂಡು ನೇರನೋಟ ನೋಡುತ್ತಿರುವ ವಿವೇಕಾನಂದರ ಪ್ರಸಿದ್ಧ ಭಂಗಿಯಲ್ಲೇ ಈ ಶಿಲ್ಪವನ್ನು ರಚಿಸಲಾಗಿದ್ದು, ಮುರ್ಡೇಶ್ವರದಲ್ಲಿನ ಅತೀ ಎತ್ತರದ ಶಿವನ ಪ್ರತಿಮೆ ನಿರ್ಮಿಸಿದ ಬೆಂಗಳೂರಿನ ಶ್ರೀಧರಮೂರ್ತಿ ಅವರ ೪೦ಮಂದಿಯ ತಂಡ ಸತತ ೬ತಿಂಗಳು ಕೆಲಸ ನಿರ್ವಹಿಸಿ ಮೂರ್ತಿ ನಿರ್ಮಿಸಿದೆ. ಈ ಪ್ರತಿಮೆ ಇದೀಗ ಗಿನ್ನೆಸ್ ದಾಖಲೆಗಾಗಿ ನೋಂದಣಿಯಾಗಿದ್ದು ಈಗಾಗಲೇ ಸಾಕಷ್ಟು ಮಂದಿಯ ಗಮನ ಸೆಳೆಯ್ತುತಿದೆ.