ಫ್ರಾನ್ಸ್‌ಗೆ ಉಪ್ಪಿನಕುದ್ರು ಗೊಂಬೆಯಾಟ ತಂಡ

Team Udayavani, Nov 3, 2018, 10:22 AM IST

ಕುಂದಾಪುರ: ಕರಾವಳಿಯ ವಿಶಿಷ್ಟ ಜನಪದ ಕಲಾ ಪ್ರಕಾರವೆನಿಸಿಕೊಂಡಿರುವ ಯಕ್ಷಗಾನ ಗೊಂಬೆಯಾಟ ಕಲೆಯನ್ನು ಮೂರು ತಲೆಮಾರುಗಳಿಂದ ಜೀವಂತವಾಗಿರಿಸಿಕೊಂಡು ಬಂದಿರುವ ಉಪ್ಪಿನಕುದ್ರುವಿನ ಶ್ರೀ ಗಣೇಶ ಯಕ್ಷಗಾನ ಗೊಂಬೆಯಾಟ ತಂಡ ನವೆಂಬರ್‌ ಎರಡನೇ ವಾರ ಕಲಾವಿದ ಭಾಸ್ಕರ್‌ ಕೊಗ್ಗ ಕಾಮತ್‌ ಅವರ ನೇತೃತ್ವದಲ್ಲಿ ಫ್ರಾನ್ಸ್‌ ದೇಶಕ್ಕೆ ಪ್ರದರ್ಶನಕ್ಕಾಗಿ ತೆರಳುತ್ತಿದೆ.

ಫ್ರಾನ್ಸ್‌ನ ರಾಜಧಾನಿ ಪ್ಯಾರಿಸ್‌ ನಗರದಲ್ಲಿ ನಡೆಯುತ್ತಿರುವ ಫೆಸ್ಟಿವಲ್‌ ದ ಇಮೇಜಿನರಿ -2018ರಲ್ಲಿ ಪ್ರಪಂಚದ ಅನೇಕ ರಾಷ್ಟ್ರಗಳ ಶ್ರೇಷ್ಠ ಗೊಂಬೆಯಾಟ ತಂಡಗಳು ಭಾಗವಹಿಸಲಿವೆ. ಈ ಉತ್ಸವದಲ್ಲಿ ಉಪ್ಪಿನಕುದ್ರು ಗೊಂಬೆಗಳು ರಂಜಿಸಲಿವೆ. ಈ ಪ್ರವಾಸದಲ್ಲಿ ಫ್ರಾನ್ಸ್‌ನ ಅನೇಕ ನಗರಗಳಲ್ಲಿಯೂ ಯಕ್ಷಗಾನ ಗೊಂಬೆಗಳು ವಿದೇಶಿಗರ ಕಣ್ಮನ ತಣಿಸಲಿವೆ.