ದೂರದವರಿಗೆ ತೀರ ಸೇರುವ ತವಕ ತೀರದವರಿಗೆ ಸುತ್ತಾಟದ ಆತುರ

Team Udayavani, Mar 30, 2020, 6:07 AM IST

ಉಡುಪಿ: ಕೋವಿಡ್‌-19 ಸೋಂಕು ಹರಡದಂತೆ ಮುನ್ನೆಚ್ಚರಿಕೆ ಕ್ರಮ ವಾಗಿ ಲಾಕ್‌ಡೌನ್‌ ಮಾಡಲಾಗಿದ್ದು ನಗರದಲ್ಲಿ ಕೆಲವು ದಿನಸಿ, ಹಾಲು, ಮೆಡಿಕಲ್‌ ಶಾಪ್‌ ಅಗತ್ಯ ವಸ್ತುಗಳ ಖರೀದಿಗೆಂದು ಜನರು ಮನೆಯಿಂದಾಚೆ ಬಂದರೆ ನಗರದ ಪ್ರಮುಖ ರಸ್ತೆಗಳು ಸ್ತಬ್ಧವಾಗಿತ್ತು.
ಕಾರಣಗಳಿಲ್ಲದೆ ಪೇಟೆಹೇಗಿದೆ, ರಸ್ತೆ ಖಾಲಿ ಇದೆ,ಮನೆಯಲ್ಲಿ ಕುಳಿತು ಬೋರಾಯ್ತುಒಂದು ಸುತ್ತು ಪೇಟೆ ತಿರುಗಿ ಬರೋಣ ಎಂದು ಹೊರಡುವ ಎಂದು ರಸ್ತೆಗಿಳಿದ ಮಂದಿಗೆ ಗಸ್ತಿನಲ್ಲಿ ಸುತ್ತಾಡುತ್ತಿದ್ದ ಪೊಲೀಸರು ವಿಚಾರಿಸಿ ಎಚ್ಚರಿಕೆ ನೀಡುತ್ತಿದ್ದಾರೆ. ಆದರೂ ಕೆಲವು ಕಡೆ ಪೊಲೀಸರ ಕಣ್ಣುತ್ತಪ್ಪಿಸಿ ಜನರು ಓಡಾಡುತ್ತಿದ್ದಾರೆ.

ನಗರಕ್ಕೆ ಕೂಲಿ ಕೆಲಸಕ್ಕೆಂದು ಬಂದ ಆರೇಳು ಮಂದಿ ಕರಾವಳಿ ಬೈಪಾಸ್‌ ಬಳಿ ವಿಶ್ರಾಮಿಸುತ್ತಿರುವ ದೃಶ್ಯಗಳು ಕಂಡು ಬಂತು. ಎಂದಿನಂತೆ ಓಡಾಟವಿಲ್ಲದೆ; ಕೈಗೆ ಕೆಲಸವಿಲ್ಲದೆ ಹೊಟ್ಟೆಗೆ ಹಿಟ್ಟಿಲ್ಲದ ರೀತಿಯಲ್ಲಿ ಮುಂದೆನು ಎಂಬ ರೀತಿಯಲ್ಲಿ ಒಮ್ಮೇ ಊರಿಗೆ ಸೇರುವ ಎಂಬ ಕಾತುರದಲ್ಲಿ ಈ ಮಂದಿ ಇದ್ದರು. ಉಳಿದಂತೆ ಕೆಲ ಸಂಘ ಸಂಸ್ಥೆಗಳು ನಿರಾಶ್ರಿತರಗಿ ಪಾರ್ಸ್‌ಲ್‌
ಊಟವನ್ನು ನೀಡುವ ಮೂಲಕ ಸಮಾಜಸೇವೆ ಮಾಡುತ್ತಿದ್ದರು.