Karwar; ಜೋಗಿ ಸಮಾಜವನ್ನು ಪರಿಶಿಷ್ಟ ಜಾತಿಗೆ ಸೇರಿಸಿ: ಸರ್ಕಾರಕ್ಕೆ ಒತ್ತಾಯ

Team Udayavani, Aug 18, 2023, 3:50 PM IST

ಕಾರವಾರ: ಅತ್ಯಂತ ಕಡುಬಡತನ ಮತ್ತು ಅಲೆಮಾರಿ ಜನಾಂಗವಾಗಿರುವ ಜೋಗಿ ಸಮಾಜವನ್ನು ಪರಿಶಿಷ್ಟ ಜಾತಿಗೆ ಸೇರಿಸಿ ಎಂದು ಉತ್ತರ ಕನ್ನಡ ಜೋಗಿ ಸಮಾಜದ ಮುಖಂಡರು ಮುಖ್ಯಮಂತ್ರಿ ಸಿದ್ಧರಾಮಯ್ಯ ಅವರನ್ನು ಒತ್ತಾಯಿಸಿದರು.

ಈ ಸಂಬಂಧ ಶುಕ್ರವಾರ ಅವರು ಜಿಲ್ಲಾಧಿಕಾರಿ ಗಂಗೂಬಾಯಿ ಮಾನಕರ್ ಅವರ ಮೂಲಕ ಸರ್ಕಾರಕ್ಕೆ ಮನವಿ ಸಲ್ಲಿಸಿದರು. 12 ವರ್ಷಗಳ ಹಿಂದೆ ಜೋಗಿ ಸಮಾಜದ ಬಗ್ಗೆ ಕುಲಶಾಸ್ತ್ರೀಯ ಅಧ್ಯಯನ ಸಹ ನಡೆದಿದೆ. ಕುಲಶಾಸ್ತ್ರೀಯ ಅಧ್ಯಯನ ವರದಿಯನ್ನು ಯಥಾವತ್ತಾಗಿ ಜಾರಿ ಮಾಡಬೇಕು‌ ‌ ಜೋಗಿ ಸಮಾಜದ ಸಮುದಾಯ ಅಲೆಮಾರಿ ಜನಾಂಗ ‌ಉಳಿಯಲು ಸ್ವಂತ ಮನೆ ಇಲ್ಲ. ಉಳಿಯಲು ಭೂಮಿ ಇಲ್ಲ. ಸಾಕ್ಷರತೆ 00.01 ಇದೆ‌ .‌ಮೂಡನಂಬಿಕೆ, ಕಂದಾಚಾರ ಸಮಾಜದಲ್ಲಿ ತುಂಬಿದೆ. ಹಾಗಾಗಿ ನಮಗೂ ಗೌರವದ ಬದುಕು ಕೊಡಲು ಸರ್ಕಾರ ನಮ್ಮ ಜೋಗಿ ಸಮಾಜವನ್ನು ಪರಿಶಿಷ್ಟ ಜಾತಿಗೆ ಸೇರಿಸಬೇಕು ಎಂದು ಅಖಿಲ ಕರ್ನಾಟಕ ಜೋಗಿ ಸಮಾಜ ಮಹಾಮಂಡಳದ ಗೌರವ ಸಲಹೆಗಾರ ಅಶೋಕ ಎಂ.ಜೋಗಿ ಸಿದ್ದಾಪುರ ಅವರು ಜಿಲ್ಲಾಧಿಕಾರಿಗಳಲ್ಲಿ ವಿನಂತಿಸಿದರು.

12 ವರ್ಷದ ಹಿಂದೆ ಸರ್ಕಾರ ಜೋಗಿ ಸಮಾಜದ ಸ್ಥಿತಿ ಗತಿ, ಅಲಮಾರಿತನ, ಆಚರಣೆ, ಸಂಪ್ರದಾಯ, ಆಹಾರ ಪದ್ಧತಿ, ವೃತ್ತಿಯ ಬಗ್ಗೆ ಕುಲಶಾಸ್ತ್ರೀಯ ಅಧ್ಯಯನ ಮಾಡಿಸಿದೆ‌. ಹಾಗಾಗಿ ಸರ್ಕಾರ ಆ ವರದಿ ಪಡೆದು ಕೇಂದ್ರ ಸರ್ಕಾರಕ್ಕೆ ಜೋಗಿ ಸಮಾಜ ಪರಿಶಿಷ್ಟ ಜಾತಿ ಪಟ್ಟಿಗೆ ಸೇರಿಸಲು ಶಿಫಾರಸ್ಸು ಮಾಡಬೇಕು ಎಂದು ಉತ್ತರ ಕನ್ನಡ ಜಿಲ್ಲಾ ಜೋಗಿ ಸಮಾಜದ ಸದಸ್ಯರಾದ ವೆಂಕಟೇಶ ಜೋಗಿ, ಶಿರಸಿ ತಾಲೂಕಾ ಅಧ್ಯಕ್ಷ ಅಣ್ಣಪ್ಪ ಜೋಗಿ ಈ ಸಂದರ್ಭದಲ್ಲಿ  ಒತ್ತಾಯಿಸಿದರು‌

ಕಾರ್ಯದರ್ಶಿ ಲಕ್ಷ್ಮಣ ಜೋಗಿ, ಗಿರೀಶ ಜೋಗಿ, ಕಾರವಾರ ಜಿಲ್ಲಾ ಜೋಗಿ ಸಮಾಜದ ದುರ್ಗಾ ಎಂ.ಮಧುರಕರ್, ವಿಶ್ವನಾಥ ಈರಣ್ಣ ಜೋಗಿ, ಮಂಜುನಾಥ ಜೋಗಿ, ಸೋನು ಮೋರೆ, ದೇವಣ್ಣ ಬಾಬನಿ ಹಾಗೂ ಸಮಾಜದ ಮಹಿಳೆಯರು ಜಿಲ್ಲಾಧಿಕಾರಿ ಗಂಗೂಬಾಯಿ ಮಾನಕರ್ ಗೆ ಮನವಿ ನೀಡುವ ಸಂದರ್ಭದಲ್ಲಿ ಉಪಸ್ಥಿತರಿದ್ದರು.