Dandeli: ಸಂಡೇ ಮಾರ್ಕೆಟ್ ಬಳಿ ಸರಣಿ ಕಳ್ಳತನ

Team Udayavani, Nov 7, 2024, 11:12 AM IST

ದಾಂಡೇಲಿ: ನಗರದ ಸಂಡೇ ಮಾರ್ಕೆಟ್ ಬಳಿ 4 ಅಂಗಡಿಗಳ ಸರಣಿ ಕಳ್ಳತನ ನಡೆದಿರುವ ಘಟನೆ ನ.7ರ ಗುರುವಾರ ನಸುಕಿನ ವೇಳೆಯಲ್ಲಿ ನಡೆದಿದೆ.

ಸಂಡೆ ಮಾರ್ಕೆಟ್ ಹತ್ತಿರದ ಎಸ್.ಕೆ. ಏಜೆನ್ಸಿ, ಚೌಗುಲಾ ಚಿಕನ್ ಸೆಂಟರ್, ಕರ್ನಾಟಕ ಎಗ್ ಸೆಂಟರ್ ಮತ್ತು ಇಂಡಿಯನ್ ಚಿಕನ್ ಸೆಂಟರ್‌ ಗಳಿಗೆ ಕಳ್ಳರು ನುಗ್ಗಿದ್ದಾರೆ.

ಕರ್ನಾಟಕ ಎಗ್ ಸೆಂಟರ್ ನಿಂದ ನಗದು ರೂ.12,000/- ಮತ್ತು ಇಂಡಿಯನ್ ಚಿಕನ್ ಸೆಂಟರ್ ನಿಂದ ನಗದು ರೂ.7,000/- ಕಳವು ಮಾಡಿರುವ ಮಾಹಿತಿ ಸದ್ಯಕ್ಕೆ ಲಭ್ಯವಾಗಿದೆ. ಚೌಗುಲಾ ಚಿಕನ್ ಸೆಂಟರ್ ನ ಸಿಸಿ ಕ್ಯಾಮೆರಾವನ್ನು ಮುರಿದು ಹಾಕಿದ್ದಾರೆ.

ಉಳಿದಂತೆ ಈ ಎಲ್ಲ ಅಂಗಡಿಗಳಿಂದ ಕಳವಾಗಿರುವ ಬಗ್ಗೆ ನಿಖರ ಮಾಹಿತಿ ಪೊಲೀಸ್ ತನಿಖೆಯಿಂದ ತಿಳಿದು ಬರಬೇಕಾಗಿದೆ.

ಸ್ಥಳಕ್ಕೆ ನಗರ ಠಾಣೆಯ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿ ಮುಂದಿನ ಕ್ರಮ ಕೈಗೊಂಡಿದ್ದಾರೆ.