ಮಾದಕವಸ್ತು ಸಾಗಾಟದ ವೇಳೆ ದಾಳಿ: ಮಾಲು ಸಹಿತ ಸಿಕ್ಕಿಬಿದ್ದ ಆರೋಪಿಗಳು

Team Udayavani, Mar 18, 2020, 6:21 PM IST

ಕಾರವಾರ: ಡ್ರಗ್ಸ್ ಸಾಗಾಟ ಮಾಡುತ್ತಿದ್ದ ವೇಳೆ ಪೊಲೀಸರು ದಾಳಿ ನಡೆಸಿ ನಾಲ್ವರನ್ನು ವಶಕ್ಕೆ ಪಡೆದ ಘಟನೆ ಇಲ್ಲಿನ ಬಾಳೆಗುಳಿ ಬಳಿ ನಡೆದಿದೆ. ಇದೇ ಸಮಯದಲ್ಲಿ 2 ಕೋಟಿ ರೂ. ಮೌಲ್ಯದ ಡ್ರಗ್ಸ್ ,ಬ್ರೌನ್ ಶುಗರ್ ವಶಪಡಿಸಲಾಗಿದೆ.

ಹಳವಳ್ಳಿ ಹತ್ತಿರದ ಕಲ್ಲೇಶ್ವರದ ನಾರಾಯಣ ರಾಮಕೃಷ್ಣ ಭಾಗ್ವತ್ (35),  ಚಾಲಕ ವೃತ್ತಿಯ ಚಂದ್ರಹಾಸ ದಯಾನಂದ  ಗುನಗಾ (29 ), ಸಿದ್ದಾಪುರ ಕ್ಯಾದಗಿಯ ಕಂಟ್ರಾಕ್ಟರ್ ವೀರ‌ಭದ್ರ ಸುಬ್ರಾಯ ಹೆಗಡೆ (43), ಸಿದ್ದಾಪುರದ ಹಳ್ಳಿಬೈಲನ ಪುರೋಹಿತ ಕೆಲಸ ಮಾಡುತ್ತಿದ್ದ ಪ್ರವೀಣ ಮಂಜುನಾಥ ಭಟ್ (30) ಸಿಕ್ಕಿಬಿದ್ದ ಆರೋಪಿಗಳು. ಇದರೊಂದಿಗೆ ಎರಡು ಕಾರುಗಳನ್ನು ವಶಕ್ಕೆ ಪಡೆಯಲಾಗಿದೆ.

ಜಿಲ್ಲೆಯಲ್ಲಿ ಮಾದಕ ವಸ್ತು ಸಾಗಾಟದ ವೇಳೆ ಹಿಡಿದ‌ ಅತಿದೊಡ್ಡ ಪ್ರಕರಣ ಇದಾಗಿದೆ.‌ ಡ್ರಗ್ಸ್ ಎಲ್ಲಿಂದ ಬರುತ್ತಿತ್ತು, ಯಾರಿಗೆ ನೀಡಲು‌ ಸಾಗಾಟ‌ ಮಾಡಲಾಗುತ್ತಿತ್ತು ಎಂಬ ತನಿಖೆ ನಡೆಯುತ್ತಿದೆ.