ಜಾತ್ರೆ ವಾಹನ ದಟ್ಟನೆ ತಪ್ಪಿಸಲು ಹಲವು ಕ್ರಮ: ಡಿಎಸ್ಪಿ

Team Udayavani, Feb 28, 2022, 12:03 PM IST

ಶಿರಸಿ: ಇಲ್ಲಿನ ಪೊಲೀಸ್ ಉಪಾಧೀಕ್ಷಕರ ಕಚೇರಿಯಲ್ಲಿ ಆಟೋ ರಿಕ್ಷಾ,ಟೆಂಪೋ, ಟಾಕ್ಸಿ, ಸಾರಿಗೆ ಸಂಸ್ಥೆ ಚಾಲಕರ, ಮಾಲಕರ, ಪದಾಧಿಕಾರಿಗಳ ಸಭೆ ನಡೆಸಿ ಸಮಸ್ಯೆ ಹಾಗೂ ಅವುಗಳ ನಿವಾರಣೆ ಕುರಿತು ಮುಕ್ತವಾಗಿ ಎಲ್ಲರೊಂದಿಗೆ ಚರ್ಚಿಸಲಾಯಿತು. ಚಾಲನಾ ನಿಯಮಗಳನ್ನು ಕರಾರುವಕ್ಕಾಗಿ ಎಲ್ಕರೂ ಪಾಲಿಸಬೇಕು ಎಂದು‌ ಡಿಎಸ್ ಪಿ ರವಿ ನಾಯ್ಕ ಸೂಚಿಸಿದರು.

ಸಭೆಯಲ್ಲಿ ವಾಯುವ್ಯ ಸಾರಿಗೆ ರಾಜಕುಮಾರ , ಸಿಪಿಐ ರಾಮಚಂದ್ರ ನಾಯಕ, ಪಿಎಸ್ಐಗಳಾದ ರಾಜಕುಮಾರ, ಭೀಮಾಶಂಕರ ಹಾಗೂ ಜಾತ್ರಾ ಪೂರ್ವತಯಾರಿ ತಂಡದ ಪೊಲೀಸ್ ಅಧಿಕಾರಿ ಸಿಬ್ಬಂದಿಗಳು ಹಾಜರಿದ್ದರು.

ಈ ಬಾರಿ ಭಕ್ತಾದಿಗಳ ಅನುಕೂಲಕ್ಕಾಗಿ ಟ್ರಾಫಿಕ್, ಪಾರ್ಕಿಂಗ್ ವ್ಯವಸ್ಥೆಯನ್ನು ಯಶಸ್ವಿಗೊಳಿಸಲು ಹಲವು ಹೊಸ ಕ್ರಮಗಳನ್ನು ತಂದಿದ್ದು,ಜಾತ್ರೆಗಿಂತ ನಾಲ್ಕೈದು ದಿವಸಗಳು ಮುಂಚೆ ಸಾರ್ವಜನಿಕರಿಗೆ ಪೊಲೀಸ್ ವೆಬ್ಸೈಟ್ , ಸೋಶಿಯಲ್ ಮೀಡಿಯಾ, ಬ್ಯಾನರ್ ಗಳ ಮೂಲಕ ಮಾಹಿತಿ ನೀಡಲಾಗುವುದು ಎಂದೂ ಸಭೆಯಲ್ಲಿ ತಿಳಿಸಲಾಯಿತು.