ಗೌರಿಗಣೇಶ ಹಬ್ಬದ ಪೂಜೆಗೆ ಆನ್‌ಲೈನ್‌ ಮೊರೆ

Team Udayavani, Jul 29, 2020, 2:12 PM IST

ಪಣಜಿ: ಗೋವಾದಲ್ಲಿ ಗೌರಿಗಣೇಶ ಹಬ್ಬವನ್ನು ಪ್ರತಿವರ್ಷ ಅತ್ಯಂತ ಸಂಭ್ರಮ ಮತ್ತು ಸಡಗರದಿಂದ ಆಚರಿಸಲಾಗುತ್ತದೆ. ಮನೆ ಮನೆಯಲ್ಲಿ ಗಣೇಶ ಮೂರ್ತಿಯನ್ನು ಪೂಜಿಸುವ ಪದ್ಧತಿಯಿದ್ದು, ಪೂಜೆಗೆ ನೆರೆಯ ಕರ್ನಾಟಕದಿಂದ ಸಾವಿರಾರು ಪುರೋಹಿತರು ಗೋವಾಕ್ಕೆ ಆಗಮಿಸುತ್ತಿದ್ದರು. ಆದರೆ ಪ್ರಸಕ್ತ ವರ್ಷ ಕೋವಿಡ್ ಭೀತಿಯ ಹಿನ್ನೆಲೆಯಲ್ಲಿ ಹೊರ ರಾಜ್ಯಗಳಿಂದ ಪುರೋಹಿತರನ್ನು ಕರೆಯಿಸುವುದು ಅಸಾಧ್ಯ ಎಂಬಂತಾಗಿದೆ.

ಆನ್‌ಲೈನ್‌ ಮೂಲಕ ಪೂಜಾ ವಿಧಿ-ವಿಧಾನಗಳನ್ನು ನಡೆಸಿಕೊಡುವ ಪದ್ಧತಿ ಈಗಾಗಲೇ ಗೋವಾದಲ್ಲಿ ಆರಂಭಗೊಂಡಿದೆ. ಪ್ರಸಕ್ತ ವರ್ಷ ಗೌರಿಗಣೇಶ ಹಬ್ಬವು ಕೂಡ ಆನ್‌ ಲೈನ್‌ ಮೂಲಕ ನಡೆಸಿಕೊಡುವ ನಿಟ್ಟಿನಲ್ಲಿ ಗೋವಾದ ತಪೋಭೂಮಿ ವೈದಿಕ ಶಿಕ್ಷಣ ಸಂಸ್ಥೆ ಸಿದ್ಧತೆ ಆರಂಭಿಸಿದೆ. ಈಗಾಗಲೇ ವಿವಿಧ ಪೂಜೆಗಳ ಆನ್‌ಲೈನ್‌ ಸೇವೆ ಆರಂಭಿಸಿದೆ.

ಕೋವಿಡ್ ಮಹಾಮಾರಿಯ ಭೀತಿ ಹಿನ್ನೆಲೆಯಲ್ಲಿ ಪ್ರಸಕ್ತ ವರ್ಷ ಮನೆ ಮನೆಗೆ ಪುರೋಹಿತರು ಆಗಮಿಸುವುದು ಅಸಾಧ್ಯ ಎಂಬಂತಾಗಿದೆ. ನೆರೆಯ ರಾಜ್ಯಗಳಿಂದ ಗೋವಾಕ್ಕೆ ಪುರೋಹಿತರು ಆಗಮಿಸಿದರೆ ಇಲ್ಲಿ 14 ದಿನಗಳ ಕ್ವಾರಂಟೈನ್‌ ಕಡ್ಡಾಯವಾಗಿದ್ದು, ಪೂಜೆಯ ನಂತರ ಮತ್ತೆ ಕರ್ನಾಟಕಕ್ಕೆ ತೆರಳಿದರೆ ಅಲ್ಲಿ ಮತ್ತೆ 14 ದಿನಗಳ ಹೋಂ ಕ್ವಾರಂಟೈನ್‌ ಕಡ್ಡಾಯವಾಗಿದೆ.

ಈ ಎಲ್ಲ ಸಮಸ್ಯೆ ಹಿನ್ನೆಲೆಯಲ್ಲಿ ಪ್ರಸಕ್ತ ವರ್ಷ ಗೌರಿಗಣೇಶ ಚತುರ್ಥಿಗೆ ಗೋವಾಕ್ಕೆ ಕರ್ನಾಟಕದಿಂದ ಪುರೋಹಿತರು ಆಗಮಿಸದ ಕಾರಣ ಗೋವಾದಲ್ಲಿ ಚೌತಿ ಪೂಜೆ ಹೇಗೆ ಮಾಡುವುದು ಎಂಬ ಸಮಸ್ಯೆಯೂ ಎದುರಾಗಿದೆ. ಆನ್‌ ಲೈನ್‌ ಪೂಜಾ ವಿಧಾನವನ್ನು ಗೋವಾ ತಪೋಭೂಮಿ ಆಗಮಿಸಿದರೂ, ಈ ಪದ್ಧತಿ ಹೆಚ್ಚಿನ ಜನರಿಗೆ ಸಮಾಧಾನವಿಲ್ಲ ತಂದಿಲ್ಲ