ಉತ್ತರ ಕನ್ನಡ ಜಿಲ್ಲೆಯಲ್ಲಿಲ್ಲ ಆಕ್ಸಿಜನ್‌ ಕೊರತೆ

ಬೆಟ್ಳುಳಿ ಬಳಿಯಿದೆ 13 ಕೆಎಲ್‌ ಸಾಮರ್ಥ್ಯದ ಆಕ್ಸಿಜನ್‌ ಸಂಗ್ರಹ ಟ್ಯಾಂಕ್‌! 12 ತಾಲೂಕುಗಳಿಗೆ ರವಾನೆ

Team Udayavani, May 4, 2021, 8:10 PM IST

ಕಾರವಾರ: ಜಿಲ್ಲೆಯಲ್ಲಿ ವೈದ್ಯಕೀಯ ಉದ್ದೇಶಕ್ಕೆ ಬಳಸುವ ಆಕ್ಸಿಜನ್‌ ಕೊರತೆಯಿಲ್ಲ. ಕುಮಟಾದ ಬೆಟ್ಳುಳಿ ಬಳಿ ಆಕ್ಸಿಜನ್‌ ಸಂಗ್ರಹ ಟ್ಯಾಂಕ್‌ ಇದ್ದು, ಇದು 13 ಕೆಎಲ್‌ ಆಕ್ಸಿಜನ್‌ ಸಂಗ್ರಹಿಸುವ ಸಾಮರ್ಥ್ಯ ಹೊಂದಿದೆ.

ಇಲ್ಲಿಂದ ಜಿಲ್ಲೆಯ ಕಾರವಾರ ಕ್ರಿಮ್ಸ್‌ ಆಸ್ಪತ್ರೆ ಸೇರಿದಂತೆ ಎಲ್ಲ 12 ತಾಲೂಕು ಆಸ್ಪತ್ರೆಗಳಿಗೆ ಹಾಗೂ ಖಾಸಗಿ ಆಸ್ಪತ್ರೆಗೆ ಅವಶ್ಯ ಇರುವಷ್ಟ ಆಕ್ಸಿಜನ್‌ ಪೂರೈಸುತ್ತದೆ. ಪದ್ಮಾವತಿ ಗ್ಯಾಸ್‌ ಎಂಬ ಸಂಸ್ಥೆ ಆಕ್ಸಿಜನ್‌ ಪೂರೈಸುತ್ತಿದ್ದು, ಬೆಟುRಳಿ ಬಳಿಯ ಸಂಗ್ರಹ ಟ್ಯಾಂಕ್‌ಗೆ ಬಳ್ಳಾರಿಯಿಂದ ಆಕ್ಸಿಜನ್‌ ಸರಬರಾಜಾಗುತ್ತದೆ.

ಈಗ ಯಲ್ಲಾಪುರ ಸರ್ಕಾರಿ ಆಸ್ಪತ್ರೆಯಲ್ಲಿ ಆಕ್ಸಿಜನ್‌ ಸಂಗ್ರಹ ಘಟಕ ನಿರ್ಮಾಣವಾಗಿದೆ. ಶಿರಸಿ ಸರ್ಕಾರಿ ಆಸ್ಪತ್ರೆ ಹಾಗೂ ಕಾರವಾರ ಕ್ರಿಮ್ಸ್‌ನಲ್ಲಿ ಸರ್ಕಾರಿ ಆಕ್ಸಿಜನ್‌ ಸಂಗ್ರಹ ಘಟಕ ಹಾಗೂ ಉತ್ಪಾದನಾ ಘಟಕ ಸ್ಥಾಪನೆಗೆ ಪ್ರಯತ್ನಗಳು ನಡೆದಿವೆ. ಕೊರೊನಾ ಪೀಡಿತರು: ಜಿಲ್ಲೆಯ ಸರ್ಕಾರಿ ಆಸ್ಪತ್ರೆಗಳಲ್ಲಿ ಆಕ್ಸಿಜನ್‌ ಆಧಾರದಲ್ಲಿ ಇರುವ ರೋಗಿಗಳ ಸಂಖ್ಯೆ 144. ಐಸಿಯು ಸಹಿತ ಆಕ್ಸಿಜನ್‌ ಆಧಾರದಲ್ಲಿ ಇರುವವರು 18. ಖಾಸಗಿ ಆಸ್ಪತ್ರೆಗಳಲ್ಲಿ ಆಕ್ಸಿಜನ್‌ ಆಧಾರದಲ್ಲಿ ಇರುವವರು 18. ಐಸಿಯು ಸಹಿತ ಆಕ್ಸಿಜನ್‌ ಆಧಾರದಲ್ಲಿ ಇರುವವರು 10. 14 ಸರ್ಕಾರಿ ಆಸ್ಪತ್ರೆಗಳಲ್ಲಿ ಇರುವ 405 ಆಕ್ಸಿಜನ್‌ ಸಹಿತ ಬೆಡ್‌ಗಳ ಪೈಕಿ 144 ಕೊರೊನಾ ರೋಗಿಗಳು ಚಿಕಿತ್ಸೆ ಪಡೆಯುತ್ತಿದ್ದಾರೆ. 261 ಆಕ್ಸಿಜನ್‌ ಬೆಡ್‌ ಗಳು ಬಳಕೆಗೆ ಲಭ್ಯ ಇವೆ.