ಮುಳುಗುವ ಬೋಟ್ನಿಂದ ಮೀನುಗಾರರ ರಕ್ಷಣೆ

Team Udayavani, May 14, 2019, 3:46 PM IST

ಪಣಜಿ(ಮಡಗಾಂವ): ಮಡಗಾಂವನಿಂದ 17 ಕಿ.ಮೀ ದೂರದ ಮೋಬರ್‌ನಲ್ಲಿ ಕೇವಲ 10 ಗಂಟೆಗಳ ಅವಧಿಯಲ್ಲಿ ಎರಡು ಮೀನುಗಾರಿಕಾ ಬೋಟ್ ಮುಳುಗಿದ ಘಟನೆ ನಡೆದಿದೆ. ಈ ಪೈಕಿ ಒಂದು ಬೋಟ್ನ್ನು ದೃಷ್ಟಿ ಜೀವರಕ್ಷಕ ದಳದ ಸಿಬ್ಬಂದಿ ದಡಕ್ಕೆ ತಂದಿದ್ದು ಎಲ್ಲ ಮೀನುಗಾರರನ್ನೂ ರಕ್ಷಿಸಿದ್ದಾರೆ.ಈ ಘಟನೆಗೆ ಸಂಬಂಧಿಸಿದಂತೆ ಲಭ್ಯವಾಗಿರುವ ಮಾಹಿತಿ ಅನುಸಾರ- ಮೋಬರ್‌ ಸಮುದ್ರದಿಂದ ಸಾಳ ನದಿಗೆ ಆಗಮಿಸುತ್ತಿದ್ದ ಸಂದರ್ಭದಲ್ಲಿ ಎಂಜಿನ್‌ ಬಂದ್‌ ಆಗಿದ್ದರಿಂದ ಈ ಘಟನೆ ಸಂಭವಿಸಿದೆ ಎನ್ನಲಾಗಿದೆ.

ಈ ಮೀನುಗಾರಿಕಾ ಬೋಟನ್ನು ಹೊರತೆಗೆಯಲು ಭೂಸೇನೆಯ ಸಹಾಯ ಪಡೆದುಕೊಳ್ಳಬೇಕಾಯಿತು. ಈ ದುರ್ಘ‌ಟನೆಯಲ್ಲಿ ವಿನೋದ ಉರಂಗ್‌, ಅಶೋಕ್‌ ಬಾರಿಕ್‌, ಪಂಕಜ್‌ ಬಾರಿಕ್‌ ಸೇರಿದಂತೆ ಇನ್ನು ಇಬ್ಬರು ಮೀನುಗಾರರು ಸಮುದ್ರದಲ್ಲಿ ಮುಳುಗುತ್ತಿದ್ದರು. ದೂರದಲ್ಲಿ ಬೋಟ್ ಮುಳುಗುತ್ತಿರುವುದನ್ನು ಕಂಡ ಜೀವರಕ್ಷಕ ದಳದ ಸಿಬ್ಬಂದಿ ರಕ್ಷಣೆಗೆ ಧಾವಿಸಿ ಮುಳುಗುತ್ತಿದ್ದ ಮೀನುಗಾರರನ್ನು ರಕ್ಷಿಸಿದರು. ಈ ಎರಡೂ ದುರ್ಘ‌ಟನೆಯಲ್ಲಿ ಅದೃಷ್ಟವಶಾತ್‌ ಯಾವುದೇ ಮೀನುಗಾರರ ಪ್ರಾಣ ಹಾನಿ ಸಂಭವಿಸಿಲ್ಲ ಎಂಬ ಮಾಹಿತಿ ಲಭ್ಯವಾಗಿದೆ.