ದಾಂಡೇಲಿ: ಕಟ್ಟುನಿಟ್ಟಿನ ಕ್ರಮಗಳಿದ್ದರೂ ಸಂಚಾರಿ ನಿಯಮಗಳ ಉಲ್ಲಂಘನೆ

Team Udayavani, Dec 7, 2021, 12:17 PM IST

ದಾಂಡೇಲಿ:  ನಗರದಲ್ಲಿ ಸುಗಮ ಸಂಚಾರದ ಹಿತದೃಷ್ಟಿಯಿಂದ ಪಿಎಸೈ ಯಲ್ಲಪ್ಪ.ಎಸ್.ಅವರ ನೇತೃತ್ವದಲ್ಲಿ ನಗರ ಠಾಣೆಯ ಪೊಲೀಸರು ಕಟ್ಟುನಿಟ್ಟಿನ ಕ್ರಮಗಳನ್ನು ಕೈಗೊಳ್ಳುತ್ತಿದ್ದಾರೆ. ಸಂಚಾರಿ ನಿಯಮಗಳನ್ನು ಉಲ್ಲಂಘಿಸುತ್ತಿರುವವರ ಮೇಲೆ ಸೂಕ್ತ ರೀತಿಯಲ್ಲಿ ದಂಡ ವಿಧಿಸಲಾಗುತ್ತಿದೆ.

ಇನ್ನೂ ನಗರದ ಪ್ರಮುಖ ರಸ್ತೆ, ವೃತ್ತಗಳಲ್ಲಿ ಕರ್ತವ್ಯನಿರತ ಪೊಲೀಸರು ತಮ್ಮ ಹದ್ದಿನ ಮೊಬೈಲ್ ಕ್ಯಾಮೇರಾದಲ್ಲಿ ಸಂಚಾರಿ ನಿಯಮಗಳನ್ನು ಉಲ್ಲಂಘಿಸುವ ವಾಹನಗಳ ಫೋಟೋ, ದೃಶ್ಯಾವಳಿಗಳನ್ನು ಸೆರೆ ಹಿಡಿದು, ಸುದ್ದಿಲ್ಲದೆ ಅವರವರ ಮನೆಗೆ ನೋಟಿಸ್ ಕಳುಹಿಸುವ ಪದ್ದತಿಯನ್ನು ರೂಢಿ ಮಾಡಿಕೊಂಡಿದ್ದಾರೆ.

ಇಷ್ಟೆಲ್ಲ ಕಟ್ಟು ನಿಟ್ಟಿನ ಕ್ರಮ ಕೈಗೊಳ್ಳಲಾಗುತ್ತಿದ್ದರೂ, ಸಂಚಾರಿ ನಿಯಮಗಳನ್ನು ಪಾಲಿಸಲು ಕೆಲವೊಬ್ಬರು ಹಿಂದೇಟು ಹಾಕುತ್ತಿದ್ದಾರೆ.

ಅಂದ ಹಾಗೆ ನಗರದ ಕೆ.ಸಿ.ವೃತ್ತದಿಂದ ಕುಳಗಿ ರಸ್ತೆಗೆ ಹೋಗುವ ಆರಂಭದ ನಡು ರಸ್ತೆಯಲ್ಲೆ ದ್ವಿಚಕ್ರ ವಾಹನವನ್ನು ನಿಲ್ಲಿಸಿ ಹೋಗಿರುವ ಪುಣ್ಯಾತ್ಮನ ಕಾರ್ಯಕ್ಕೆ ಉದ್ದಂಡ ಬೀಳಬೇಕೊ, ದಂಡ ಹಾಕಬೇಕೊ ಎಂಬ ಪಶ್ನೆ ಎದುರಾದಾಂತಾಗಿದೆ. ಒಟ್ಟಿನಲ್ಲಿ ಇಷ್ಟೆಲ್ಲ ಜಾಗೃತಿ ಮೂಡಿಸಿದರೂ, ಕ್ರಮ ಕೈಗೊಳ್ಳಲಾಗುತ್ತಿದ್ದರೂ ಬೇಜವಾಬ್ದಾರಿ ತನಕ್ಕೆ ದಂಡವೇ ಔಷಧಿ ಅಂತಾರೆ ಪ್ರಜ್ಞಾವಂತ ನಾಗರೀಕರು.