ಮೊದಲ ದಿನ ಆತಿಥೇಯರ‌ ಮೇಲುಗೈ

Team Udayavani, Sep 15, 2019, 1:20 PM IST

ವಿಜಯಪುರ: ನಗರದಲ್ಲಿ ನಡೆಯುತ್ತಿರುವ ರಾಜ್ಯಮಟ್ಟದ ಗುಡ್ಡಗಾಡು ಸೈಕ್ಲಿಂಗ್‌ ಚಾಂಪಿಯನ್‌ಶಿಪ್‌ಗೆ ಶಾಸಕ ದೇವಾನಂದ ಚವ್ಹಾಣ ಚಾಲನೆ ನೀಡಿದರು.

ವಿಜಯಪುರ: ಸೈಕ್ಲಿಂಗ್‌ ತವರು ಎನಿಸಿಕೊಂಡಿರುವ ಗುಮ್ಮಟ ನಗರಿ ವಿಜಯಪುರದಲ್ಲಿ ನಡೆಯುತ್ತಿರುವ ರಾಜ್ಯಮಟ್ಟದ 15ನೇ ಮೌಂಟೇನ್‌ ಬೈಕ್‌ ಸೈಕ್ಲಿಂಗ್‌ ಚಾಂಪಿಯನ್‌ಶಿಪ್‌ ಮೊದಲ ದಿನ ಬಹುತೇಕ ಎಲ್ಲ ಸ್ಪರ್ಧೆಗಳಲ್ಲಿ ಆತಿಥೇಯ ವಿಜಯಪುರ ಮೆಲುಗೈ ಸಾಧಿಸಿದೆ. ವಿಜಯಪುರ ಕ್ರೀಡಾ ನಿಲಯದ ಸೈಕ್ಲಿಸ್ಟ್‌ಗಳು ಬಹುತೇಕ ಎಲ್ಲ ವಿಭಾಗಗಳಲ್ಲಿ ಮೊದಲ ಸ್ಥಾನಕ್ಕೆ ಲಗ್ಗೆ ಇಡುವ ಮೂಲಕ ಉತ್ತಮ ಆರಂಭ ಪಡೆದಿದ್ದಾರೆ.

14 ವರ್ಷದೊಳಗಿನ ಬಾಲಕರ 1 ಲ್ಯಾಪ್‌ ವೈಯಕ್ತಿಕ ಟೈಂ ಟ್ರಯಲ್ ವಿಭಾಗದಲ್ಲಿ ವಿಜಯಪುರದ ಕ್ರೀಡಾ ವಸತಿ ನಿಲಯದ ಸಾಗರ ತೇರದಾಳ 09.57:26 ನಿಮಿಷದಲ್ಲಿ ನಿಗದಿತ ಗುರಿ ತಲುಪಿ ಮೊದಲ ಸ್ಥಾನ ಪಡೆದರೆ, ಇದೇ ಶಾಲೆಯ ರಾಘವೇಂದ್ರ ವಂದಾಲ 10.03:00 ನಿ. ಸಯಮದಲ್ಲಿ ಗುರಿ ಮುಟ್ಟಿ ದ್ವಿತೀಯ ಸ್ಥಾನ ತಮ್ಮದಾಗಿಸಿಕೊಂಡಿದ್ದಾರೆೆ. ಬಾಗಲಕೋಟೆ ಜಿಲ್ಲೆಯ ಸಂಭಾಜಿ ಜಾಧವ 10.18:70 ನಿ. ಸಮಯದಲ್ಲಿ ಗುರಿ ಗೆರೆ ದಾಟಿ ಮೂರನೇ ಸ್ಥಾನಕ್ಕೆ ತೃಪ್ತಿ ಪಟ್ಟರು.

14 ವರ್ಷದೂಳಗಿನ ಬಾಲಕಿಯರ 2 ಲ್ಯಾಪ್‌ ವೈಯಕ್ತಿಕ ಟೈಂ ಟ್ರಯಲ್ ವಿಭಾಗದಲ್ಲಿ ವಿಜಯಪುರದ ಕ್ರೀಡಾ ವಸತಿ ನಿಲಯದ ಅಕ್ಷತಾ ಬೂತನಾಳ 11.29:72 ನಿ. ಸಮಯದಲ್ಲಿ ಮೊದಲಿಗರಾಗಿ ಗುರಿ ಮುಟ್ಟಿದರು. ಇದೇ ಕ್ರೀಡಾ ವಸತಿ ನಿಲಯದ ಪಾಯಲ್ ಚೌಹಾಣ 11.41:44 ನಿ. ಸಮಯದಲ್ಲಿ ಗುರಿ ತಲುಪಿ ದ್ವಿತೀಯ ಸ್ಥಾನ, ಮೈಸೂರಿನ ಕೇರನ್‌ ಮಾರ್ಷಲ್ 12,39:28 ನಿ. ಸಮಯದಲ್ಲಿ ಗುರಿ ಮುಟ್ಟಿ ತೃತೀಯ ಸ್ಥಾನ ಪಡೆದರು.

16 ವರ್ಷದೊಳಗಿನ ಬಾಲಕರ 1 ಲ್ಯಾಪ್‌ ವೈಯಕ್ತಿಕ ಟೈಂ ಟ್ರಯಲ್ ವಿಭಾಗದಲ್ಲಿ ವಿಜಯಪುರದ ಕ್ರೀಡಾ ವಸತಿ ನಿಲಯದ ಪ್ರತಾಪ ಪಡಚಿ 09.41:42 ನಿ. ಸಮಯದಲ್ಲಿ ಗುರಿ ತಲುಪಿ ಪ್ರಥಮ, ಮೈಸೂರಿನ ಚರೀತಗೌಡ 09.44:72 ನಿ. ದ್ವಿತೀಯ ಹಾಗೂ ವಿಜಯಪುರದ ಕ್ರೀಡಾ ವಸತಿ ನಿಲಯದ ಸಂಪತ್‌ ಪಾಸಮೇಲ 09.59:53 ನಿ. ಮೂರನೇ ಸ್ಥಾನ ಪಡೆದರು.

16 ವರ್ಷದೊಳಗಿನ ಬಾಲಕಿಯರ‌ 1 ಲ್ಯಾಪ್‌ ವೈಯಕ್ತಿಕ ಟೈಂ ಟ್ರಯಲ್ ವಿಭಾಗದಲ್ಲಿ ವಿಜಯಪುರದ ಕ್ರೀಡಾ ವಸತಿ ನಿಲಯದ ಅಕ್ಷತಾ ಬೂತನಾಳ 11.38:78 ನಿ. ಸಮಯದಲ್ಲಿ ಗುರಿ ಮುಟ್ಟಿ ಪ್ರಥಮ, ವಿಜಯಪುರದ ಕ್ರೀಡಾ ವಸತಿ ನಿಲಯದ ಪಾಯಲ್ ಚೌಹಾಣ 12.11:06 ನಿ. ಸಮಯದಲ್ಲಿ ಗುರಿ ತಲುಪಿ ಎರಡನೇ ಸ್ಥಾನ, ಬಾಗಲಕೋಟೆಯ ಭಾವನಾ ಪಾಟೀಲ 12.42:07 ನಿ. ಸಮಯದಲ್ಲಿ ಗುರಿ ಗೆರೆ ದಾಟಿ ಮೂರನೇ ಸ್ಥಾನ ಪಡೆದರು.

18 ವರ್ಷದೊಳಗಿನ ಬಾಲಕರ 1 ಲ್ಯಾಪ್‌ ವೈಯಕ್ತಿಕ ಟೈಂ ಟ್ರಯಲ್ ವಿಭಾಗದಲ್ಲಿ ಮೈಸೂರು ಜಿಲ್ಲೆಯ ಎಡೋನಿಸ್‌ ಟಂಗಪು 19.45:28 ನಿ. ಸಮಯದಲ್ಲಿ ಗುರಿ ತಲುಪಿ ಮೊದಲ ಸ್ಥಾನ, ವಿಜಯಪುರ ಕ್ರೀಡಾ ವಸತಿ ನಿಲಯದ ಶ್ರೀಶೈಲ ವೀರಾಪುರ 20.04:99 ನಿ. ಸಮಯದಲ್ಲಿ ದ್ವಿತೀಯ ಹಾಗೂ ಸಂತೋಷ ವಿಜಯಪುರ 20.09:62 ನಿ. ಸಮಯದಲ್ಲಿ ಗುರಿ ತಲುಪಿ ಮೂರನೇ ಸ್ಥಾನ ಪಡೆದರು.

18 ವರ್ಷದೊಳಗಿನ ಬಾಲಕಿಯರ 1 ಲ್ಯಾಪ್‌ ವೈಯಕ್ತಿಕ ಟೈಂ ಟ್ರಯಲ್ ವಿಭಾಗದಲ್ಲಿ ವಿಜಯಪುರ ಕ್ರೀಡಾ ವಸತಿ ನಿಲಯದ ವಿದ್ಯಾರ್ಥಿನಿಯರು ಮೂರು ವಿಭಾಗದಲ್ಲಿ ಪಾರಮ್ಯ ಸಾಧಿಸಿದ್ದಾರೆ. ಸೌಮ್ಯ ಅಂತಾಪುರ 11.09:64 ನಿ. ಸಮಯದಲ್ಲಿ ಮೊದಲಿಗರಾಗಿ ಗುರಿ ಮುಟ್ಟಿ ಪ್ರಥಮ ಸ್ಥಾನವನ್ನು ತಮ್ಮದಾಗಿಸಿಕೊಂಡರು. ಕಾವೇರಿ ಮುರನಾಳ 11.24:78 ನಿ. ಸಮಯದಲ್ಲಿ ಗುರಿ ಮುಟ್ಟಿ ಎರಡನೇ ಸ್ಥಾನ, ದಾನಮ್ಮ ಗುರವ 12.05:15 ನಿ. ಮೂರನೇ ಸ್ಥಾನ ಪಡೆದರು.

ಪುರುಷರ 1 ಲ್ಯಾಪ್‌ ವೈಯಕ್ತಿಕ ಟೈಂ ಟ್ರಯಲ್ ವಿಭಾಗದಲ್ಲಿ ಮೈಸೂರು ಜಿಲ್ಲೆಯ ಎನ್‌.ಕಮಲರಾಜ್‌ 19.43:12 ನಿ. ಪ್ರಥಮ ಹಾಗೂ ವಿಜಯಪುರ ಕ್ರೀಡಾ ವಸತಿ ನಿಲಯದ ಶ್ರೀಶೈಲ ವೀರಾಪುರ 20.27:26 ನಿ. ದ್ವಿತೀಯ ಹಾಗೂ ವಿಜಯಪುರ ಕ್ರೀಡಾ ವಸತಿ ನಿಲಯದ ಸಂತೋಷ ವಿಜಾಪುರ 20.38:80 ನಿ. ಮೂರನೇ ಸ್ಥಾನ ಪಡೆದಿದ್ದಾರೆ.

ಮಹಿಳೆಯರ 1 ಲ್ಯಾಪ್‌ ವೈಯಕ್ತಿಕ ಟೈಂ ಟ್ರಯಲ್ ವಿಭಾಗದಲ್ಲಿ ವಿಜಯಪುರ ಕ್ರೀಡಾ ವಸತಿ ನಿಲಯದ ಸೌಮ್ಯ ಅಂತಾಪುರ 11.14:16 ನಿ. ಮೊದಲು ಗುರಿ ಮುಟ್ಟಿ ಪ್ರಥಮ ಸ್ಥಾನ ಪಡೆದರೆ, ಬಾಗಲಕೋಟೆ ಜಿಲ್ಲೆಯ ಸಾವಿತ್ರಿ ಹೆಬ್ಟಾಳಟ್ಟಿ 11.35:60 ನಿ. ಸಮಯದಲ್ಲಿ ಗುರಿ ಮುಟ್ಟಿ ದ್ವಿತೀಯ ಹಾಗೂ ವಿಜಯಪುರ ಕ್ರೀಡಾ ವಸತಿ ನಿಲಯದ ದಾನಮ್ಮ ಗುರವ 12.29:48 ನಿ. ಸಮಯದಲ್ಲಿ ಗುರಿ ಮುಟ್ಟಿ ಮೂರನೇ ಸ್ಥಾನ ತಮ್ಮದಾಗಿಸಿಕೊಂಡಿದ್ದಾರೆ.

14 ವರ್ಷದೊಳಗಿನ ಬಾಲಕರ 1 ಲ್ಯಾಪ್‌ ಮಾಸ್‌ ಸ್ಟಾರ್ಟ್‌ ವಿಭಾಗದಲ್ಲಿ ವಿಜಯಪುರ ಕ್ರೀಡಾ ವಸತಿ ನಿಲಯದ ಸಾಗರ ತೇರದಾಳ 10.23:60 ನಿ. ಗುರಿ ತಲುಪಿ ಪ್ರಥಮ, ಸಂಬೋಜಿ ಜಾಧವ 10.41:15 ನಿ. ದ್ವಿತೀಯ, ರಾಘವೇಂದ್ರ ವಂದಾಲ 10.53:00 ನಿ. ತೃತೀಯ ಸ್ಥಾನ ಪಡೆದರು.

14 ವರ್ಷದೊಳಗಿನ ಬಾಲಕಿಯರ 1 ಲ್ಯಾಪ್‌ಮಾಸ್‌ ಸ್ಟಾರ್ಟ್‌ ವಿಭಾಗದಲ್ಲಿ ವಿಜಯಪುರ ಕ್ರೀಡಾ ವಸತಿ ನಿಲಯದ ಅಕ್ಷತಾ ಬೂತನಾಳ 12.22:94 ನಿ. ಸಮಯದಲ್ಲಿ ಗುರಿ ಮುಟ್ಟಿ ಪ್ರಥಮ ಸ್ಥಾನ ಪಡೆದರೆ, ಬಾಗಲಕೋಟೆ ಜಿಲ್ಲೆಯ ಅನುಪಮಾ ಗುಳೇದ 12.31:27 ನಿ. ಸಮಯದಲ್ಲಿ ಎರಡನೇಯವರಾಗಿ ಗುರಿ ತಲುಪಿ ದ್ವಿತೀಯ ಸ್ಥಾನ ಹಾಗೂ ಮೈಸೂರಿನ ಕೇರನ್‌ ಮಾರ್ಷಲ್ 12.54:51 ನಿ. ಸಮಯದಲ್ಲಿ ಗುರಿ ಮುಟ್ಟಿ ಮೂರನೇ ಸ್ಥಾನ ಪಡೆದಿದ್ದಾರೆ.

16 ವರ್ಷದೊಳಗಿನ ಬಾಲಕರ 2 ಲ್ಯಾಪ್‌ ಮಾಸ್‌ ಸ್ಟಾರ್ಟ್‌ ವಿಭಾಗದಲ್ಲಿ ಮೈಸೂರಿನ ಚರಿತಗೌಡ 20.55:14 ನಿ. ಸಮಯದಲ್ಲಿ ಗುರಿ ತಲುಪಿ ಪ್ರಥಮ ಸ್ಥಾನ, ವಿಜಯಪುರ ಕ್ರೀಡಾ ವಸತಿ ನಿಲಯದ ಮಲ್ಲಿಕಾರ್ಜುನ ಯಾದವಾ 21.10:10 ನಿ. ಸಮಯದಲ್ಲಿ ಗುರಿ ತಲುಪಿ ಎರಡನೇ ಸ್ಥಾನ ಹಾಗೂ ಮೈಸೂರು ಜಿಲ್ಲೆಯಹಸ್ಮುಖ 21.15:70 ನಿ. ಸಮಯದಲ್ಲಿ ಗುರಿ ಮುಟ್ಟಿ ಮೂರನೇ ಸ್ಥಾನ ಪಡೆದರು.