ಭೂದಾನಿ ಭೀಮರಾಯಗೆ ದಾನಶ್ರೀ ಪ್ರಶಸ್ತಿ ಪ್ರದಾನ

Team Udayavani, Jan 29, 2018, 5:33 PM IST

ಕೆಂಭಾವಿ: ಪರಿಶುದ್ಧ ಭಕ್ತಿ ಮೂಲಕ ಭಗವಂತನ ನಾಮಸ್ಮರಣೆಯಲ್ಲಿ ತೊಡಗಿದರೆ ಸುಖ, ಶಾಂತಿ, ನೆಮ್ಮದಿ ಲಭಿಸುತ್ತದೆ ಎಂದು ಶ್ರೀ ಮಲ್ಲಿಕಾರ್ಜುನ ದೇವರು ಹೇಳಿದರು.

ಮುದನೂರ ಗ್ರಾಮದ ಕಂಠಿ ಹನುಮಾನ ದೇವಸ್ಥಾನದ ಕೋರಿ ಸಿದ್ಧೇಶ್ವರ ಶಾಖಾ ಮಠದಲ್ಲಿ ನಡೆದ ಶ್ರೀಗುರು ಸೇವಾ ಸಂಸ್ಥೆ ಕೊಡುವ ದಾನಶ್ರೀ ಪ್ರಶಸ್ತಿ ಪುರಸ್ಕಾರ ಸಮಾರಂಭದ ಸಾನ್ನಿಧ್ಯ ವಹಿಸಿ ಮಾತನಾಡಿದರು. ಭಗವಂತನ ಆರಾಧನೆ ಅಮೃತವಿದ್ದಂತೆ. ನಮ್ಮ ಜೀವನದ ಸ್ವಲ್ಪ ಸಮಯವನ್ನು ಭಗವಂತನ ನಾಮಸ್ಮರಣೆಗೆ ಮೀಸಲಿಟ್ಟರೆ ಜೀವನದ ಗುರಿ ಮುಟ್ಟಲು ಸಾಧ್ಯ ಎಂದು ಹೇಳಿದರು. ಮಠಕ್ಕೆ ಭೂದಾನ ಮಾಡಿದ ಗ್ರಾಮದ ಭೀಮರಾಯ ಸಾಹು ಹೊಟ್ಟಿ ಅವರ ಸೇವೆ ಶ್ಲಾಘನೀಯ ಎಂದು ಹೇಳಿದರು. 

ಶಾಸಕ ಸಿ. ಎಸ್‌. ನಾಡಗೌಡ ಭೀಮರಾಯ ಸಾಹು ಅವರಿಗೆ ದಾನಶ್ರೀ ಪ್ರಶಸ್ತಿ ಪುರಸ್ಕಾರ ನೀಡಿ ಗೌರವಿಸಿದರು.
ಎಚ್‌. ಸಿ. ಪಾಟೀಲ, ಸಂಗನಗೌಡ ವಜ್ಜಲ, ಚನ್ನಪ್ಪಗೌಡ ಬೆಕಿನಾಳ, ಸಿದ್ಧನಗೌಡ ಮುದನೂರ, ಯಂಕಾರೆಡ್ಡಿ ಕರಡಕಲ್‌ ಇದ್ದರು. ಮಲ್ಲು ಬಾದ್ಯಾಪುರ ಸ್ವಾಗತಿಸಿದರು. ಶಾಂತರೆಡ್ಡಿ ಚೌಧರಿ ನಿರೂಪಿಸಿದರು. ಮಡಿವಾಳಪ್ಪ  ಪಾಟೀಲ ವಂದಿಸಿದರು.