ಹುಣಸಗಿ: ಐವರಿಗೆ ಕೋವಿಡ್ ಪಾಸಿಟಿವ್‌

Team Udayavani, Jul 8, 2020, 9:52 AM IST

ಹುಣಸಗಿ: ಪಟ್ಟಣದ ಹೊರವಲಯದಲ್ಲಿರುವ ಮೊರಾರ್ಜಿ ದೇಸಾಯಿ ವಸತಿ ಶಾಲೆ ಕ್ವಾರಂಟೈನ್‌ ಕೇಂದ್ರದಲ್ಲಿರುವ ಐವರಿಗೆ ಕೋವಿಡ್  ಸೋಂಕು ಇದೆ ಎಂದು ತಾಲೂಕು ಆರೋಗ್ಯಾಧಿಕಾರಿ ಡಾ| ಆರ್‌.ವಿ. ನಾಯಕ ತಿಳಿಸಿದ್ದಾರೆ.

ಮಹಾರಾಷ್ಟ್ರದಿಂದ ಆಗಮಿಸಿದ 160 ಜನರಿಗೆ ವ್ಯವಸ್ಥೆ ಕಲ್ಪಿಸಲಾಗಿದೆ. ಇವರಲ್ಲಿ ಗುಂಡಲಗೇರಾ ಗ್ರಾಮದ 9 ವರ್ಷದ ಬಾಲಕ, ರಾಜವಾಳ ತಾಂಡಾದ 10 ವರ್ಷದ ಬಾಲಕ, ಹಳ್ಳಿ ತಾಂಡಾದ 12 ವರ್ಷದ ಬಾಲಕಿ, ಬನ್ನೆಟ್ಟಿ ಗ್ರಾಮದ 16 ವರ್ಷದ ಬಾಲಕ ಹಾಗೂ ಕೋಳಿಹಾಳ ತಾಂಡಾದ 22 ವರ್ಷದ ಯುವಕನಿಗೆ ಕೋವಿಡ್ ವೈರಸ್‌ ತಗುಲಿದೆ. ಇನ್ನು ವರದಿ ಬರಬೇಕಿದೆ ಎಂದು ತಿಳಿಸಿದ್ದಾರೆ.

ಸೋಂಕು ಇದ್ದವರನ್ನು ಯಾದಗಿರಿ ಕೋವಿಡ್‌ ಆಸ್ಪತ್ರೆಗೆ ಸೇರಿಸಲಾಗಿದೆ ಎಂದು ಹುಣಸಗಿ ಸಮುದಾಯ ಆರೋಗ್ಯ ಕೇಂದ್ರದ ವೈದ್ಯಾಧಿಕಾರಿ ಧರ್ಮರಾಜ ಹೊಸಮನಿ ತಿಳಿಸಿದ್ದಾರೆ.