ಆಟೋ ಚಾಲಕರಿಗೆ ದಿನಸಿ ಕಿಟ್‌ ವಿತರಣೆ

Team Udayavani, May 16, 2020, 11:53 AM IST

ನಿಡಗುಂದಿ: ಅಶೋಕ ಕುಂಬಾರ ಐಟಿಐ ಕಾಲೇಜು ಆವರಣದಲ್ಲಿ ಬಸವರಾಜ ಕುಂಬಾರ ಗೆಳೆಯರ ಬಳಗದಿಂದ ಅಟೋ ಚಾಲಕರಿಗೆ ದಿನಸಿ ಕಿಟ್‌ಗಳನ್ನು ವಿತರಿಸಲಾಯಿತು

ನಿಡಗುಂದಿ: ಪಟ್ಟಣದ ಅಶೋಕ ಕುಂಬಾರ ಐಟಿಐ ಕಾಲೇಜಿನ ಆವರಣದಲ್ಲಿ ಗುರುವಾರ ಸಂಜೆ ಬಸವರಾಜ ಕುಂಬಾರ ಗೆಳೆಯರ ಬಳಗದಿಂದ 60 ಅಟೋ ಚಾಲಕರಿಗೆ ದಿನಸಿ ಕಿಟ್‌ಗಳನ್ನು ವಿತರಿಸಿದರು.

ರೈತ ಮುಖಂಡ ಬಸವರಾಜ ಕುಂಬಾರ ಮಾತನಾಡಿ, ಕರೊನ ರೋಗವನ್ನು ತಡೆಗಟ್ಟಲು ಕಳೆದ ಕೆಲವು ದಿನಗಳಿಂದ ಲಾಕ್‌ಡೌನ್‌ ಹೇರಿಕೆ ಮಾಡಲಾಗಿದ್ದ ಪರಿಣಾಮ ನಿತ್ಯ ಅಟೋ ನಡೆಸಿ ಬದುಕು ನಡೆಸುವ ಅನೇಕ ಚಾಲಕರು ಕೆಲಸವಿಲ್ಲದೆ ಸಂಕಷ್ಟ ಸ್ಥಿತಿಯಲ್ಲಿದ್ದರು.

ಅವರ ನೆರವಿಗೆ ಬರುವ ನಿಟ್ಟಿನಲ್ಲಿ ಗೆಳೆಯರ ಬಳಗ ಕೂಡಿಕೊಂಡು ಕಿಟ್‌ ತಯಾರಿಸಿ ವಿತರಿಸುವ ಕಾರ್ಯ ಮಾಡಲಾಗುತ್ತಿದೆ. ರೋಗದ ತೀವ್ರತೆ ಇನ್ನೂ ಕೆಲ ದಿನಗಳು ಇರಲಿದ್ದು ನೊಂದವರ ನೆರವಿಗೆ ನೆರವು ನೀಡುವಲ್ಲಿ ಇತರರು ಮುಂದಾಗಬೇಕು ಎಂದರು.

ಸ್ಥಳೀಯ ತಹಸೀಲ್ದಾರ ಶಿವಲಿಂಗಪ್ರಭು ವಾಲಿ, ಪಿಎಸ್‌ಐ ಚಂದ್ರಶೇಖರ ಚಿಕ್ಕೊಡಿ, ಅರಣ್ಯಾಧಿಕಾರಿ ಮಹೇಶ  ಪಾಟೀಲ, ರೈತ ಮುಖಂಡ ತಿರುಪತಿ ಬಂಡಿವಡ್ಡರ, ಸುಭಾಸ ಅವಟಿ, ಅಶೋಕ ಸಗರನಾಳ, ಮಲ್ಲಯ್ಯ ನಾಗೂರ ಸೇರಿದಂತೆ ಇತರರಿದ್ದರು.