2ನೇ ದಿನ ಸಂಪೂರ್ಣ ಲಾಕ್‌ಡೌನ್‌ ಯಶಸ್ವಿ

Team Udayavani, May 21, 2021, 9:32 PM IST

ಯಾದಗಿರಿ: ಜಿಲ್ಲೆಯಲ್ಲಿ ಕೊರೊನಾ 2ನೇ ಅಲೆಯಲ್ಲಿ ಸೋಂಕು ನಿಯಂತ್ರಿಸಲು ಜಿಲ್ಲಾಡಳಿತ ಲಾಕ್‌ಡೌನ್‌ ಜಾರಿ ಮಾಡಿದ್ದು, ಎರಡನೇ ದಿನವಾದ ಗುರುವಾರ ಅನಾವಶ್ಯಕ ರಸ್ತೆಗೆ ಇಳಿದ ಬೈಕ್‌ ಮತ್ತು ಕಾರು ಚಾಲಕರಿಗೆ ಪೊಲೀಸರು ಬಿಸಿ ಮುಟ್ಟಿಸಿದರು.

ಬೆಳಿಗ್ಗೆ ಹಾಲು, ದಿನಪತ್ರಿಕೆ ಮಾತ್ರ ಖರೀದಿಗೆ ರಸ್ತೆಯಲ್ಲಿ ಕೆಲ ಗಂಟೆಗಳ ಕಾಲ ಜನರ ಓಡಾಟ ನಡೆಯಿತು. ಆಸ್ಪತ್ರೆ ಇತರೆ ದಾಖಲೆಗಳಿದ್ದವರಿಗೆ ಮಾತ್ರ ಪೊಲೀಸರು ಅವಕಾಶ ಮಾಡಿಕೊಟ್ಟರು. ಇದನ್ನು ಹೊರತು ಪಡಿಸಿ ಮದುವೆಗೆಂದು ದ್ವಿಚಕ್ರ ವಾಹನಗಳಲ್ಲಿ ಕುಟುಂಬ ಸಮೇತವಾಗಿ ಹೊರಟ್ಟಿದ್ದವರಿಗೆ ಬುದ್ಧಿ ಹೇಳಿದರು.

ರಸ್ತೆಗೆ ಇಳಿದಿದ್ದ ಕಾರನ್ನು ಬೆಳಿಗ್ಗೆ ಡಿಗ್ರಿ ಕಾಲೇಜಿನ ಎದುರು ಪೊಲೀಸರು ತಡೆದಾಗ ಬಿಡಿಸಲು ಹೋಂ ಐಸೋಲೇಷನ್‌ನಲ್ಲಿದ್ದ ಸೋಂಕಿತ ವ್ಯಕ್ತಿಯೊಬ್ಬ ಕಾರು ಬಿಡುವಂತೆ ಪೊಲೀಸರೊಂದಿಗೆ ವಾಗ್ವಾದಕ್ಕಿಳಿದಿದ್ದ. ಅನಾವಶ್ಯಕ ನಿಮಯ ಉಲ್ಲಂಘಿಸಿದ್ದರಿಂದ ಪೊಲೀಸರು ಕಾರ್‌ ಜಪ್ತಿ ಮಾಡಿದ್ದಾರೆ.