ಅರಿಶಿನ ಹಾಲು ಸೇವನೆಯಿಂದಾಗುವ ಪ್ರಯೋಜನಗಳೇನು ?

Team Udayavani, Jan 3, 2023, 4:44 PM IST

ಇಂದಿನ ದಿನಗಳಲ್ಲಿ ಬೇಕು,ಬೇಡದ ಆಹಾರ ಸೇವನೆ ಹೆಚ್ಚಿದೆ. ಇದರಿಂದ ಅನಾರೋಗ್ಯಕ್ಕೆ ತುತ್ತಾಗುವ ಸಾಧ್ಯತೆ ಅಧಿಕ. ನಮ್ಮ ಆರೋಗ್ಯ ಕಾಪಾಡಿಕೊಳ್ಳುವುದರತ್ತ ಎಚ್ಚರಿಕೆ ವಹಿಸುವುದು ಅಗತ್ಯ. ನಾವು ನಿತ್ಯ ಮನೆಯಲ್ಲಿಯೇ ಕೆಲವೊಂದು ಕ್ರಮಗಳನ್ನ ಅನುಸರಿಸುವುದರಿಂದ ಸದೃಢ ಆರೋಗ್ಯ ನಮ್ಮದಾಗುತ್ತದೆ.

ಇಂದು ಅರಿಶಿನ ಮಿಶ್ರಿತ ಮಸಾಲೆ ಹಾಲು ತಯಾರಿಸುವುದು ಹೇಗೆ ಹಾಗೂ ಅದರಿಂದಾಗು ಪ್ರಯೋಜನಗಳ ಕುರಿತು ತಿಳಿದುಕೊಳ್ಳೋಣ.

ಪ್ರಯೋಜನಗಳು :

ಅರಿಶಿನದ ಹಾಲು ಸೇವನೆಯಿಂದ ಉರಿಯೂತದಂತಹ ಗುಣಲಕ್ಷಣಗಳು ದೂರವಾಗುತ್ತವೆ. ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುವುದು. ಉತ್ತಮ ಆರೋಗ್ಯಕ್ಕೆ ಸಹಕಾರಿ.

ಅರಿಶಿನ ಹಾಲು ತಯಾರಿಕೆಗೆ ಬೇಕಾಗುವ ಪದಾರ್ಥಗಳು

• ಅರಿಶಿನ
• ದಾಲ್ಚಿನ್ನಿ ಪುಡಿ
• ಕರಿಮೆಣಸು ಪುಡಿ
• ಹಾಲು
• ಸಕ್ಕರೆ
• ಬೆಲ್ಲ
• ಜೇನುತುಪ್ಪ

ಅರಿಶಿನ ಹಾಲು ತಯಾರಿಸುವ ವಿಧಾನ

• ಮೊದಲಿಗೆ ಹಾಲನ್ನು ಸರಿಯಾಗಿ ಕುದಿಸಬೇಕು. ನಂತರ ಅದನ್ನು ಉಗುರು ಬೆಚ್ಚಗಿನ ಸ್ಥಿತಿಗೆ ತಂದುಕೊಳ್ಳಬೇಕು.
• ಎಲ್ಲಾ ಪದಾರ್ಥಗಳನ್ನು ಸೇರಿಸಿ, ಚೆನ್ನಾಗಿ ಮಿಶ್ರಣ ಮಾಡಿ. 10 ನಿಮಿಷಗಳ ಕಾಲ ಹಾಗೆ ಬಿಡಿ.
• ರುಚಿಗೆ ತಕ್ಕಂತೆ ಸಕ್ಕರೆ / ಬೆಲ್ಲ / ಜೇನುತುಪ್ಪ ಸೇರಿಸಿ.

ಕೇವಲ ಹತ್ತರಿಂದ ಹದಿನೈದು ನಿಮಿಷಗಳಲ್ಲಿ ಅರಿಶಿನ ಮಿಶ್ರಿತ  ಹಾಲು ತಯಾರಿಸಬಹುದು.