ಸುದ್ದಿ ಕೋಶ: ಸೆನ್ಸೆಕ್ಸ್‌ ದಾಖಲೆ

Team Udayavani, Jul 13, 2018, 6:00 AM IST

ಸುಮಾರು 5 ತಿಂಗಳ ನಂತರ ಷೇರುಪೇಟೆ ಐತಿಹಾಸಿಕ ದಾಖಲೆ ಮಾಡಿದೆ. ಗುರುವಾರ ಮುಂಬಯಿ ಷೇರುಪೇಟೆ ಸಂವೇದಿ ಸೂಚ್ಯಂಕ 282 ಅಂಕ ಏರಿಕೆಯಾಗಿ, 36,548ರಲ್ಲಿ ಕೊನೆಗೊಂಡಿದೆ. ವಹಿವಾಟು ಅಂತ್ಯದಲ್ಲಿ ಇಷ್ಟೊಂದು ಏರಿಕೆಯಾಗಿರುವುದು ಇದೇ ಮೊದಲು. ಈ ಮೂಲಕ, 37,283ರಲ್ಲಿ ವಹಿವಾಟು ಅಂತ್ಯಗೊಳಿಸಿ ಜ. 29ರಂದು ಸೃಷ್ಟಿಸಿದ್ದ ದಾಖಲೆಯನ್ನು  ಮುರಿದಿದೆ. ದಿನದ ವಹಿವಾಟಿನಲ್ಲಿ 11,078ಕ್ಕೆ ತಲುಪಿದ್ದ ನಿಫ್ಟಿ, ದಿನಾಂತ್ಯಕ್ಕೆ 11,023ರಲ್ಲಿ ಕೊನೆಗೊಂಡಿತು. ಇದೂ ಜ.29ರ ನಂತರದ ದಾಖಲೆಯೇ ಆಗಿದೆ. 

ರಿಲಯನ್ಸ್‌ ಸಾಧನೆ
ಗುರುವಾರ ರಿಲಯನ್ಸ್‌ ಇಂಡಸ್ಟ್ರೀಸ್‌ ಷೇರುಗಳು ಶೇ.4.42ರಷ್ಟು ಏರಿಕೆ ಕಂಡಿದ್ದು, ಈ ಮೂಲಕ ಅಮೆರಿಕದ 100 ಬಿಲಿಯನ್‌ ಮಾರ್ಕೆಟ್‌ ಕ್ಯಾಪ್‌ ಕ್ಲಬ್‌ಗ ಸೇರ್ಪಡೆಗೊಂಡಿತು. 

ಏರಿಕೆಗೆ ಕಾರಣಗಳೇನು?
ಕಚ್ಚಾ ತೈಲದ ದರ ಇಳಿಕೆ
ವ್ಯಾಪಾರ ಸಮರ ವಿವಾದ ಬಗೆಹರಿಸಿಕೊಳ್ಳಲು ಚೀನ- ಅಮೆರಿಕ ಮಾತುಕತೆ ನಡೆಸಬಹುದೆಂಬ ನಿರೀಕ್ಷೆ
ಡಾಲರ್‌ ಎದುರು ರೂಪಾಯಿ ಮೌಲ್ಯ 19 ಪೈಸೆ ಏರಿಕೆ
ವಿದೇಶಿ ಹೂಡಿಕೆದಾರರು ಷೇರು ಖರೀದಿಯಲ್ಲಿ ವಹಿಸಿದ ಆಸಕ್ತಿ
ಕಾರ್ಪೊರೇಟ್‌ ಆದಾಯ ಹೆಚ್ಚಳದ ನಿರೀಕ್ಷೆ