ಬನ್ನಿ ಹಚ್ಚೋಣ ಎಲ್ಲರೂ ಸೇರಿ ಪ್ರೀತಿಯ ದೀಪ

Team Udayavani, Oct 25, 2019, 4:53 PM IST

ಬನ್ನಿ ಹಚ್ಚೋಣ ಎಲ್ಲರೂ ಸೇರಿ ಪ್ರೀತಿಯ ದೀಪ

ಮುಂಜಾನೆ ಮಂಜು ಸರಿಸುತ್ತಾ ಶಾಂತ ಮೇಘಗಳ ನಡುವೆ

ಕಿರಣಗಳ ಮುತ್ತೆರೆಯುತ್ತ ಬರುವ ದಿನಕರನೇ ನೇಸರದ ದೀಪ

ಸೂರ್ಯ ನ ಕಿರಣಗಳ ಸ್ಪರ್ಶದಿ ಮೊಗ್ಗರಳಿ ಹೂವಾಗಿ

ಮಕರಂದ ಸೂಸುತಿರೆ  ಅದುವೆ ಬಳ್ಳಿಯ ದೀಪ

ಆಷಾಡದ ತುಂತುರು ಜಡಿ ಮಳೆಗೆ ಮರ ಗಿಡಗಳೆಲ್ಲ ಚಿಗುರಿ

ಶ್ರಾವಣ ಮಾಸಕ್ಕೆ ತೋರುತಿದೆ ಸ್ವಾಗತದ ದೀಪ

ಅರಳಿದ ತಾವರೆ ಕೊಳದ ದೀಪ, ಮುತ್ತು ಕಡಲಿನ ದೀಪ,

ಕಾಮನಬಿಲ್ಲು ಆಕಾಶದ ದೀಪ ನಗುವೆ ಮೊಗದ ದೀಪ,

ಕುಂಕುಮವು ಹಣೆಯ ದೀಪ,ಮಗುವೆ ಮಡಿಲಿನ ದೀಪ ,

ಹೆಣ್ಣೆಂಬ ದೀಪವನು ಆರಿಸದರಿ ಆರಂಭದಲಿ

ಹೆಣ್ಣು ಮನೆ ಮನವ ಬೆಳಗುವ ದೀಪ

ಬನ್ನಿ ಹಚ್ಚೋಣ ಎಲ್ಲರೂ ಸೇರಿ ಪ್ರೀತಿಯ ದೀಪ

ಸಾಕ್ಷರತೆಯ ದೀಪ, ಸಾರ್ಥಕತೆಯ ದೀಪ

-ಸುಮನ ಅಮಿತ್,ಕೆ.ಆರ್.ನಗರ