ಚುನಾವಣೆಗೆ ಮುನ್ನ ಸೆಲೆಕ್ಟೀವ್‌ ರೈಡ್‌ ಆಗುತ್ತಿವೆ

Team Udayavani, Apr 22, 2019, 3:00 AM IST

ಬಳ್ಳಾರಿ: ಚುನಾವಣಾ ಹತ್ತಿರವಾಗುತ್ತಿದ್ದಂತೆ ಕೆಲವು ಸೆಲೆಕ್ಟೀವ್‌ ರೈಡ್‌ ಆಗುತ್ತಿವೆ ಎಂದು ಸಚಿವ ಡಿ.ಕೆ. ಶಿವಕುಮಾರ ಹೇಳಿದರು.

ನಗರದಲ್ಲಿ ಭಾನುವಾರ ಸುದ್ದಿಗಾರರೊಂದಿಗೆ ಮಾತನಾಡಿ, ಚುನಾವಣಾ ಸಂದರ್ಭ ಕೇಂದ್ರ ಸರ್ಕಾರ ಐಟಿ ದಾಳಿ ಮಾಡಿಸಿ ನಮ್ಮ ಮುಖಂಡರು ಕಾರ್ಯಕರ್ತರನ್ನು ಭಯಭೀತರನ್ನಾಗಿಸುವ ಹುನ್ನಾರ ಮಾಡುತ್ತಿದೆ. ಕಾಂಗ್ರೆಸ್‌ ಮುಖಂಡರನ್ನೇ ಟಾರ್ಗೆಟ್‌ ಮಾಡಲಾಗುತ್ತದೆ. ನಮ್ಮ ಅ ಧಿಕಾರಿಗಳಿಗೆ ನ್ಯಾಯಬದ್ಧವಾದ ದಾಳಿ ಮಾಡಬೇಕು ಅಂತಾ ಗೊತ್ತಾಗುತ್ತಲೇ ಇಲ್ಲ ಎಂದು ಹರಿಹಾಯ್ದರು.

ಬಿಜೆಪಿ ಶಾಸಕರು ಹಾಗೂ ಮುಖಂಡರನ್ನು ಟ್ರಾಪ್‌ ಮಾಡುವ ಅವಕಾಶ ನಮಗಿತ್ತು. ಆದರೆ, ನಾವು ಮಾಡಿಲ್ಲ. ನಮ್ಮವರನೇ ಟಾರ್ಗೆಟ್‌ ಮಾಡಲಾಗಿದೆ. ಎಲ್ಲಿ ಮಾಡಬೇಕೋ ಅಲ್ಲಿ ದಾಳಿ ಆಗುತ್ತಿಲ್ಲ. ಸುಮ್ಮನೆ ನೆಪಕ್ಕೆ ಮಾತ್ರ ದಾಳಿ ಆಗುತ್ತಿದೆ. ಐಟಿಯನ್ನು ದುರ್ಬಳಕೆ ಮಾಡಿಕೊಳ್ಳಲಾಗುತ್ತಿದೆ ಎಂದರು.