ಹಣಕ್ಕಾಗಿ ರಶ್ಯನ್‌ ಪ್ರಜೆಗಳಿಂದ ಇವಿಎಂ ಹ್ಯಾಕ್‌ : ಚಂದ್ರಬಾಬು ನಾಯ್ಡು

Team Udayavani, Apr 23, 2019, 3:34 PM IST

ವಿಜಯವಾಡಾ : ಆಂಧ್ರ ಸಿಎಂ ಚಂದ್ರಬಾಬು ನಾಯ್ಡು ಇವಿಎಂಗಳ ವಿಶ್ವಾಸಾರ್ಹತೆಯನ್ನು ಪ್ರಶ್ನಿಸಿದ್ದು, ಕೆಲ ರಶ್ಯನ್‌ ಪ್ರಜೆಗಳು ಹಣ ಪಡೆದು ಇವಿಎಂಗಳನ್ನು ಹ್ಯಾಕ್‌ ಮಾಡುತ್ತಿರುವ ಬಗ್ಗೆ ಅನುಮಾನ ವ್ಯಕ್ತ ಪಡಿಸಿದ್ದಾರೆ.

ಕೆಲ ರಶ್ಯನ್‌ಗಳು ಇವಿಎಂ ಹ್ಯಾಕ್‌ ಮಾಡುವುದರಲ್ಲಿ ಸಕ್ರಿಯವಾಗಿರುವ ಬಗ್ಗೆ ಗಾಳಿಸುದ್ದಿಗಳಿವೆ. ನಾನು ಈ ಸುದ್ದಿಯನ್ನು ಧೃಡಪಡಿಸುವುದಿಲ್ಲ. ಆದರೆ ಅವರು ಕೋಟಿಗಟ್ಟಲೆ ಹಣ ಪಡೆದು ಇವಿಎಂಗಳನ್ನು ಹ್ಯಾಕ್‌ ಮಾಡುತ್ತಾರೆ ಎನ್ನುವುದಾಗಿ ಹೇಳಲಾಗಿದೆ ಎಂದರು.

ಇವಿಎಂಗಳನ್ನು ಕೆಲ ಕ್ರಮಗಳನ್ನು ಬಳಸಿ ಸುಲಭವಾಗಿ ಹ್ಯಾಕ್‌ ಮಾಡಬಹುದಾಗಿದೆ. ವಿಶ್ವದ 18 ರಾಷ್ಟ್ರಗಳು ಇವಿಎಂ ಬಳಕೆ ಮಾಡುತ್ತಿವೆ ಎಂದರು.