ಗೌತಮ್‌ ಗಂಭೀರ್‌ ಬಳಿ ಎರಡು ವೋಟರ್‌ ಐಡಿ!

Team Udayavani, Apr 27, 2019, 12:28 PM IST

ಪೂರ್ವ ದಿಲ್ಲಿಯ ಬಿಜೆಪಿ ಅಭ್ಯರ್ಥಿ, ಮಾಜಿ ಕ್ರಿಕೆಟಿಗ ಗೌತಮ್‌ ಗಂಭೀರ್‌ 2 ಮತದಾರರ ಗುರುತಿನ ಚೀಟಿ ಹೊಂದಿದ್ದಾರೆ ಎಂದು ಆಮ್‌ ಆದ್ಮಿ ಪಕ್ಷ ಶುಕ್ರವಾರ ಆರೋಪಿಸಿದೆ‌. ಅಷ್ಟೇ ಅಲ್ಲ, ಈ ಕುರಿತು ಗಂಭೀರ್‌ ವಿರುದ್ಧ ತೀಸ್‌ ಹಜಾರಿ ಕೋರ್ಟ್‌ನಲ್ಲಿ ಕ್ರಿಮಿನಲ್‌ ದೂರನ್ನೂ ದಾಖಲಿಸಲಾಗಿದೆ.

ಗಂಭೀರ್‌ರನ್ನು ಕೂಡಲೇ ಚುನಾವಣೆಗೆ ಸ್ಪರ್ಧಿಸದಂತೆ ಅನರ್ಹಗೊಳಿಸಬೇಕು ಎಂದು ಆಪ್‌ ಅಭ್ಯರ್ಥಿ ಆತಿಷಿ ಕೋರಿದ್ದಾರೆ. ಗಂಭೀರ್‌ ಅವರು ರಾಜೇಂದ್ರ ನಗರ ಮತ್ತು ಕರೋಲ್‌ ಬಾಗ್‌ ಎರಡೂ ಕಡೆ ಎರಡು ವೋಟರ್‌ ಐಡಿ ಹೊಂದಿದ್ದು, ಈ ಅಪರಾಧಕ್ಕೆ ಒಂದು ವರ್ಷ ಜೈಲು ಶಿಕ್ಷೆಯೂ ಇದೆ ಎಂದಿದ್ದಾರೆ ಆತಿಷಿ. ಈ ಅರ್ಜಿಯ ವಿಚಾರಣೆಯನ್ನು ಮೇ 1ರಂದು ಕೈಗೆತ್ತಿಕೊಳ್ಳುವುದಾಗಿ ದಿಲ್ಲಿ ಕೋರ್ಟ್‌ ಹೇಳಿದೆ.ಚುನಾವಣ ಆಯೋಗದ ರಾಷ್ಟ್ರೀಯ ಮತದಾರರ ಸೇವಾ ಪೋರ್ಟಲ್‌ನಲ್ಲಿ ಕೂಡ ಗಂಭೀರ್‌ 2 ಕಡೆ ಹೆಸರು ನೋಂದಾಯಿಸಿರು ವುದು ಉಲ್ಲೇಖವಾಗಿದೆ ಎಂದೂ ದೂರಿನಲ್ಲಿ ತಿಳಿಸಲಾಗಿದೆ.