ಕುಮಾರಸ್ವಾಮಿ ಅಯೋಗ್ಯ ಸಿಎಂ: ಈಶ್ವರಪ್ಪ

Team Udayavani, Mar 29, 2019, 6:31 AM IST

ಶಿವಮೊಗ್ಗ: ಕಳ್ಳರಿಗೆ ಬೆಂಬಲ ಕೊಟ್ಟ ಸಿಎಂ ಎಚ್‌.ಡಿ. ಕುಮಾರಸ್ವಾಮಿ ಕೂಡಲೇ ರಾಜೀನಾಮೆ ಕೊಡಬೇಕು. ರಾಜ್ಯಪಾಲರು ಕುಮಾರಸ್ವಾಮಿ ಅವರ ಹೇಳಿಕೆ ಗಮನಿಸಿ ಕ್ರಮ ಕೈಗೊಳ್ಳಬೇಕು ಎಂದು ಶಾಸಕ ಕೆ.ಎಸ್‌.ಈಶ್ವರಪ್ಪ ಆಗ್ರಹಿಸಿದರು.

ಸುದ್ದಿಗಾರರೊಂದಿಗೆ ಮಾತನಾಡಿ, ಕುಮಾರಸ್ವಾಮಿ ಮುಖ್ಯಮಂತ್ರಿ ಆಗೋದಕ್ಕೆ ಅಯೋಗ್ಯ. ಮುಖ್ಯಮಂತ್ರಿ ಸ್ಥಾನದಲ್ಲಿರೋರು ಗೌಪ್ಯತೆ ಕಾಪಾಡಬೇಕು. ಆದರೆ ಇವರು ಆ ಗೌಪ್ಯತೆ ಕಾಪಾಡೋದು ಬಿಟ್ಟು ಹಾಳು ಮಾಡುತ್ತಿದ್ದಾರೆ. ಕಳ್ಳರನ್ನು ರಕ್ಷಿಸಲು ಮೊದಲೇ ಹೇಳಿದ್ದಾರೆ ಎಂದು ದೂರಿದರು. ಐಟಿ ಅಧಿ ಕಾರಿಗಳು ಮಂಡ್ಯದಲ್ಲಿ ಜೆಡಿಎಸ್‌ನವರ ಮನೆಗಳ ಮೇಲೆ ರೇಡ್‌ ಮಾಡ್ತಿದ್ದಾರೆ ಅಂತೀರಾ? ಮಂಡ್ಯ ಭಾರತದಲ್ಲಿ ಇಲ್ವಾ, ಅ ಧಿಕಾರಿಗಳು ಅವರ ಕೆಲಸ ಅವರು ಮಾಡ್ತಾರೆ. ಮುಖ್ಯಮಂತ್ರಿ ಸ್ಥಾನದಲ್ಲಿ ಕುಳಿತುಕೊಳ್ಳಲು ಕುಮಾರಸ್ವಾಮಿ ಅಯೋಗ್ಯ. ಕೂಡಲೇ ರಾಜೀನಾಮೆ ನೀಡಬೇಕು ಎಂದರು.