ಮಂಡ್ಯದಲ್ಲಿ ಹಣ ಹಂಚಿಕೆ,ಗೂಂಡಾಗಿರಿ: ಯಡಿಯೂರಪ್ಪ

Team Udayavani, Apr 19, 2019, 11:29 AM IST

ಶಿವಮೊಗ್ಗ: “ಎಲ್ಲಾ ಕಡೇ ಉತ್ತಮವಾಗಿ ಮತದಾನ ನಡೆದಿದೆ. 14 ಕ್ಷೇತ್ರದಲ್ಲಿ ಮತದಾನ ನಡೆದಿದ್ದು, 11ರಲ್ಲಿ ಗೆಲ್ಲಲಿದೆ ಎಂದು ಬಿಜೆಪಿ ರಾಜ್ಯಾಧ್ಯಕ್ಷ ಬಿ.ಎಸ್‌. ಯಡಿಯೂರಪ್ಪ ವಿಶ್ವಾಸ ವ್ಯಕ್ತಪಡಿಸಿದರು.

ಸುದ್ದಿಗಾರರೊಂದಿಗೆ ಮಾತನಾಡಿ, ಮಂಡ್ಯದಲ್ಲಿ ನ್ಯಾಯಯುತ ಚುನಾವಣೆ ನಡೆದಿಲ್ಲ. ದುಡ್ಡು ಹಂಚಿ, ಗೂಂಡಾಗಿರಿ ಮಾಡಿದ್ದಾರೆ. ಈ ಬಗ್ಗೆ ಗೊತ್ತಾಗಲಿದೆ ಎಂದರು. ಶಾಸಕ ಕೆ.ಎಸ್‌. ಈಶ್ವರಪ್ಪ ಪ್ರತಿಕ್ರಿಯಿಸಿ, “ಮೊದಲ ಹಂತದಲ್ಲಿ 14 ಕ್ಷೇತ್ರದಲ್ಲಿ ಚುನಾವಣೆ ನಡೆದಿದೆ. ಅತೀ ಹೆಚ್ಚು ಮತದಾನ ನಡೆದಿರುವುದು ಸಂತೋಷ. ಹೆಚ್ಚಿನ ಮತದಾನವಾಗಿರುವುದು ಬಿಜೆಪಿಗೆ ವರದಾನವಾಗಲಿದೆ. 14 ಕ್ಷೇತ್ರದಲ್ಲಿ 10ರಿಂದ 12 ಸೀಟು ಬಿಜೆಪಿ ಗೆಲ್ಲಲಿದೆ’ ಎಂದರು.