4 ನೇ ಹಂತ: ಬರೋಬ್ಬರಿ 3,274 ಕೋಟಿ ರೂ.ಮೌಲ್ಯದ ಹಣ, ಹೆಂಡ ಜಪ್ತಿ !

Team Udayavani, Apr 30, 2019, 11:43 AM IST

ಹೊಸದಿಲ್ಲಿ: ಚುನಾವಣಾ ಆಯೋಗಸೋಮವಾರ ನಾಲ್ಕನೇ ಹಂತದ ಮತದಾನದ ವೇಳೆ ಬರೋಬ್ಬರಿ 3,274 ಕೋಟಿ ರೂಪಾಯಿ ಮೌಲ್ಯದ ಲೆಕ್ಕವಿಲ್ಲದ ಹಣ, ಆಕ್ರಮ ಮದ್ಯ, ಮಾದಕ ವಸ್ತುಗಳು ಸೇರಿದಂತೆ ಇತರ ವಸ್ತುಗಳನ್ನು ಜಪ್ತಿ ಮಾಡಿದ್ದಾರೆ.

72 ಲೋಕಸಭಾ ಕ್ಷೇತ್ರಗಳು ಮತ್ತು 42 ವಿಧಾನಸಭಾ ಕ್ಷೇತ್ರಗಳ ವ್ಯಾಪ್ತಿಯಲ್ಲಿ 97 ಮಂದಿ ವೆಚ್ಚ ವೀಕ್ಷಕ ಅಧಿಕಾರಿಗಳ ತಂಡ ಈ ಕಾರ್ಯಾಚರಣೆ ನಡೆಸಿದೆ.

ಒಂಭತ್ತು ರಾಜ್ಯಗಳ ಒಟ್ಟು 72 ಕ್ಷೇತ್ರಗಳಲ್ಲಿ ಸೋಮವಾರ ಲೋಕಸಭೆ ಚುನಾವಣೆಯ 4ನೇ ಹಂತದ ಮತದಾನ ನಡೆದಿದೆ. ಮಹಾರಾಷ್ಟ್ರದ 17, ರಾಜಸ್ಥಾನ ಮತ್ತು ಉತ್ತರಪ್ರದೇಶದ ತಲಾ 13, ಪಶ್ಚಿಮ ಬಂಗಾಳದ 8, ಮಧ್ಯಪ್ರದೇಶಒಡಿಶಾದ ತಲಾ 6, ಬಿಹಾರದಲ್ಲಿ 5, ಜಾರ್ಖಂಡ್‌ನ‌ಲ್ಲಿ 3, ಜಮ್ಮು-ಕಾಶ್ಮೀರದ ಅನಂತ್‌ನಾಗ್‌ ಕ್ಷೇತ್ರದಲ್ಲಿ ಸೋಮವಾರ
ಮತದಾನ ನಡೆದಿದೆ.

ಮೊದಲ ನಾಲ್ಕು ಹಂತಗಳಲ್ಲಿ ಒಟ್ಟು 374 ಲೋಕಸಭಾ ಕ್ಷೇತ್ರಗಳಲ್ಲಿ ಮತದಾನ ಪ್ರಕ್ರಿಯೆ ಪೂರ್ಣಗೊಂಡಿದ್ದು, ಮೇ 19 ರಂದು ಕೊನೆಯ 7 ನೇ ಹಂತದ ಮತದಾನ ನಡೆಯಲಿದ್ದು ಮೇ 23 ರಂದು ಫ‌ಲಿತಾಂಶ ಪ್ರಕಟವಾಗಲಿದೆ.

ಚುನಾವಣಾ ಆಯೋಗ ಅಭ್ಯರ್ಥಿಗಳ ವೆಚ್ಚದ ಮೇಲೆ ಹದ್ದಿನಕಣ್ಣಿಟ್ಟಿದ್ದು, ಫ್ಲೈಯಿಂಗ್‌ ಸ್ಕ್ಯಾಡ್‌, ಸ್ಟಾಟಿಕ್‌ ಸರ್‌ವೈಲೆನ್ಸ್‌ ಟೀಮ್ಸ್‌, ವಿಡಿಯೋ ಸರ್‌ವೈಲೆನ್ಸ್‌ ಟೀಮ್ಸ್‌ಗಳ ಮೂಲಕ ಭಾರೀ ಜಾಗೃತೆ ವಹಿಸಲಾಗಿದೆ.