ರಾಜ್ಯ ಸರ್ಕಾರದ ವಿಕೆಟ್‌ ಪತನ ಶುರು: ಅಶೋಕ್‌

Team Udayavani, Mar 6, 2019, 2:04 AM IST

 ಕಲಬುರಗಿ: ಡಾ| ಉಮೇಶ ಜಾಧವ್‌ ಅವರು ಶಾಸಕ ಸ್ಥಾನಕ್ಕೆ ರಾಜೀನಾಮೆ ನೀಡುವ ಮೂಲಕ ರಾಜ್ಯ ಸರ್ಕಾರದ ವಿಕೆಟ್‌ಗಳ ಪತನ ಶುರುವಾಗಿದೆ. ಮುಂದಿನ ದಿನಗಳಲ್ಲಿ ಇನ್ನಷ್ಟು ಶಾಸಕರು ರಾಜೀನಾಮೆ ನೀಡುವುದರಿಂದ ಸರ್ಕಾರದ ಪತನಕ್ಕೆ ನಾಂದಿಯಾಗಲಿದೆ ಎಂದು ಮಾಜಿ ಉಪಮುಖ್ಯಮಂತ್ರಿ ಆರ್‌. ಅಶೋಕ ಹೇಳಿದರು.

ನಗರದಲ್ಲಿ ಮಂಗಳವಾರ ಸುದ್ದಿಗಾರರೊಂದಿಗೆಮಾತನಾಡಿದ ಅವರು, ಡಾ| ಉಮೇಶ್‌ ಜಾಧವ್‌ ರೀತಿಯಲ್ಲಿಯೇ
ಇನ್ನಷ್ಟು ಕಾಂಗ್ರೆಸ್‌ ಶಾಸಕರು ರಾಜೀನಾಮೆ ಕೊಡುವುದರಿಂದರಾಜ್ಯದಲ್ಲಿ ನ ಸಮ್ಮಿಶ್ರ ಸರ್ಕಾರ ಪತನಗೊಳ್ಳಲಿದೆ. ಇದರಲ್ಲಿ ಬಿಜೆಪಿ ಪಾತ್ರ ಏನೂ ಇಲ್ಲ. ಜೆಡಿಎಸ್‌-ಕಾಂಗ್ರೆಸ್‌ ನಡುವೆ ವೈಮನಸ್ಸು ಉಂಟಾಗಿ ಒಬ್ಬೊಬ್ಬರಾಗಿ ಹೊರ ಬರಲಿದ್ದಾರೆ ಎಂದರು.