ಬಿಜೆಪಿ ಪರ ಪ್ರಚಾರ ಗ್ರೇಟ್‌ ಖಲಿ ವಿರುದ್ಧ ದೂರು ಸಲ್ಲಿಸಿದ ಟಿಎಂಸಿ

Team Udayavani, Apr 28, 2019, 12:11 PM IST

ಕೋಲ್ಕತಾ : ಬಿಜೆಪಿ ಅಭ್ಯರ್ಥಿ ಪರ ಪ್ರಚಾರ ಮಾಡಿದ ಖ್ಯಾತ ಕುಸ್ತಿ ಪಟು ಗ್ರೇಟ್‌ ಖಲಿ ವಿರುದ್ದ ತೃಣಮೂಲ ಕಾಂಗ್ರೆಸ್‌ ಚುನಾವಣಾ ಆಯೋಗಕ್ಕೆ ದೂರು ಸಲ್ಲಿಸಿದೆ.

ಚುನಾವಣಾ ಆಯೋಗಕ್ಕೆ ದೂರು ನೀಡಿರುವ ಟಿಎಂಸಿ ಅಮೆರಿಕದಪ್ರಜೆಯಾಗಿರುವ ಖಲಿ ಇಲ್ಲಿ ಪ್ರಚಾರ ನಡೆಸುತ್ತಿದ್ದಾರೆ. ವಿದೇಶಿಗನೊಬ್ಬ ಇಲ್ಲಿಯ ಮತದಾರರ ಮೇಲೆ ಪ್ರಭಾವ ಬೀರಬಾರದು. ಖಲಿ ಅವರನ್ನು ಬಿಜೆಪಿ ದುರುಪಯೋಗ ಪಡಿಸಿಕೊಳ್ಳುತ್ತಿದೆ ಎಂದು ದೂರು ನೀಡಲಾಗಿದೆ.

ಖಲಿ ಅವರು ಮೂಲತಃ ಭಾರತೀಯರಾಗಿದ್ದು ಮೂಲ ಹೆಸರು ದಿಲೀಪ್‌ ಸಿಂಗ್‌ ರಾಣಾ. ಪಶ್ಚಿಮ ಬಂಗಾಳದ ಜಾಧವ್‌ಪುರ್‌ ನಲ್ಲಿ ಬಿಜೆಪಿ ಅಭ್ಯರ್ಥಿ ಅನುಪಮ್‌ ಹಜ್ರಾ ಪರ ಪ್ರಚಾರ ನಡೆಸಿದ್ದರು.

ಹಲವು ಬಾಂಗ್ಲಾ ದೇಶ ಮೂಲದ ನಟರನ್ನು ಟಿಎಂಸಿ ಪ್ರಚಾರಕ್ಕೆ ಬಳಸಿಕೊಂಡ ಹೊರತಾಗಿಯೂ ಟಿಎಂಸಿ ಈ ದೂರು ಸಲ್ಲಿಸಿದೆಎಂದು ಬಿಜೆಪಿ ಕಿಡಿ ಕಾರಿದೆ.