ಇದು ನನ್ನ ಕೊನೆಯ ಚುನಾವಣೆ: ನಿತೀಶ್‌

Team Udayavani, Nov 6, 2020, 1:31 AM IST

ಪಾಟ್ನಾ: “ಈ ವಿಧಾನಸಭೆ ಚುನಾವಣೆಯೇ ನನ್ನ ಕೊನೆಯ ಚುನಾವಣೆ. ಇದಾದ ಅನಂತರ ನಾನು ರಾಜ ಕೀಯ ನಿವೃತ್ತಿ ಪಡೆಯುತ್ತೇನೆ’ ಎಂದು ಹೇಳುವ ಮೂಲಕ ಬಿಹಾರ ಸಿಎಂ ನಿತೀಶ್‌ ಕುಮಾರ್‌ ಅಚ್ಚರಿ ಮೂಡಿಸಿದ್ದಾರೆ.

ಬಿಹಾರ ಚುನಾವಣೆಯ 3ನೇ ಹಾಗೂ ಕೊನೇ ಹಂತದ ಮತದಾನ ಶನಿವಾರ ನಡೆಯಲಿದ್ದು, ಗುರು ವಾರ ಪ್ರಚಾರ ಅಂತ್ಯಗೊಂಡಿದೆ. ಈ ವೇಳೆ ರ್ಯಾಲಿಯೊಂದರಲ್ಲಿ ಮಾತನಾ ಡಿದ ನಿತೀಶ್‌, “ಒಳ್ಳೆಯ ದೆಲ್ಲವೂ ಒಳ್ಳೆಯದರಲ್ಲೇ ಕೊನೆಗೊ ಳ್ಳುತ್ತದೆ. ಇಂದು ಚುನಾವಣ ಪ್ರಚಾರದ ಕೊನೆಯ ದಿನ. ಹಾಗೆಯೇ ನನಗೂ ಇದು ಕೊನೆಯ ಚುನಾವಣೆ. ದಯವಿಟ್ಟು ಎನ್‌ಡಿಎಯನ್ನು ಮತ್ತೂಮ್ಮೆ ಅಧಿಕಾರಕ್ಕೆ ತನ್ನಿ’ ಎಂದು ಮನವಿ ಮಾಡಿದ್ದಾರೆ. ಇದೇ ವೇಳೆ, ಪ್ರಧಾನಿ ಮೋದಿ ಅವರು ಬಿಹಾರದ ಜನತೆಗೆ ಮುಕ್ತ ಪತ್ರ ಬರೆದಿದ್ದು, “ನಿರಂಕುಶ ಪ್ರಭುತ್ವ ಮತ್ತು ಅಸಮರ್ಪಕ ನಿರ್ವಹಣೆ ಇದ್ದಾಗ ಸುಧಾರಣೆ ಸಾಧ್ಯವಿಲ್ಲ. ರಾಜ್ಯದ ಅಭಿವೃದ್ಧಿ ಸ್ಥಗಿತಗೊಳ್ಳಬಾರದು ಎಂದಾದರೆ ನಿತೀಶ್‌ ಕುಮಾರ್‌ ಸರಕಾರವೇ ಅಧಿಕಾರದಲ್ಲಿರಬೇಕು. ಎನ್‌ಡಿಎಯಿಂದ ಮಾತ್ರವೇ ಪ್ರಗತಿ ಸಾಧ್ಯ’ ಎಂದು ಹೇಳಿದ್ದಾರೆ.