Congress ಮಟ್ಟಿಗೆ 50-50 ನಿಜವಾದ ಎಕ್ಸಿಟ್‌ ಫೋಲ್‌ಗ‌ಳು

Team Udayavani, Jun 4, 2024, 8:36 PM IST

ಬೆಂಗಳೂರು: ಕಾಂಗ್ರೆಸ್‌ ಎರಡಂಕಿ ದಾಟುವುದಿಲ್ಲ ಎಂಬ ಎಕ್ಸಿಟ್‌ ಫೋಲ್‌ಗ‌ಳ ಭವಿಷ್ಯ ಕರ್ನಾಟಕದ ಮಟ್ಟಿಗೆ ನಿಜವಾಗಿದೆಯಾದರೂ ಬಿಜೆಪಿ-ಜೆಡಿಎಸ್‌ ಮೈತ್ರಿಗೆ ಕೊಟ್ಟ ಸಂಖ್ಯೆ ಸುಳ್ಳಾಗಿದೆ.

ಬಿಜೆಪಿ-ಜೆಡಿಎಸ್‌ ಮೈತ್ರಿಕೂಟ 20ರಿಂದ 23 ಸ್ಥಾನಗಳನ್ನು ಗೆಲ್ಲಬಹುದು ಎಂದು ಬಹುತೇಕ ಎಕ್ಸಿಟ್‌ ಫೋಲ್‌ಗ‌ಳು ಭವಿಷ್ಯ ನುಡಿದಿದ್ದವು. ಕಾಂಗ್ರೆಸ್‌ 5-6 ಸ್ಥಾನಗಳಲ್ಲಿ ಗೆಲ್ಲಬಹುದು ಎಂದು ಮುನ್ಸೂಚನೆ ನೀಡಿದ್ದವು. ಆದರೆ ಕಾಂಗ್ರೆಸ್‌ 9 ಸ್ಥಾನಗಳಲ್ಲಿ ಗೆಲುವು ಸಾಧಿಸಿದೆ. ಬಿಜೆಪಿಯ ಕೆಲ ಭದ್ರಕೋಟೆಗಳೇ ಧೂಳಿಪಟಗೊಂಡಿವೆ. ಹೀಗಾಗಿ ಕಾಂಗ್ರೆಸ್‌ ಮಟ್ಟಿಗೆ ಎಕ್ಸಿಟ್‌ ಫೋಲ್‌ಗ‌ಳು 50-50 ಸತ್ಯವಾದಂತಾಗಿದೆ.

ಇನ್ನು ಜೆಡಿಎಸ್‌ 2-3 ಸ್ಥಾನಗಳಲ್ಲಿ ಗೆಲ್ಲಬಹುದೆಂಬುದು ಎಕ್ಸಿಟ್‌ ಫೋಲ್‌ನ ಊಹೆಯಾಗಿತ್ತು. ಅದು ನಿಜವಾಗಿದೆ. ಮಂಡ್ಯದಲ್ಲಿ ಕುಮಾರಸ್ವಾಮಿ, ಕೋಲಾರದಲ್ಲಿ ಮಲ್ಲೇಶ್‌ ಬಾಬು ಜಯಗಳಿಸಿದ್ದಾರೆ. ಆದರೆ ಬಿಜೆಪಿ 20ರ ಗಡಿ ದಾಟುವುದಕ್ಕೆ ಸಾಧ್ಯವಾಗಿಲ್ಲ. ಬೆಂಗಳೂರು ಗ್ರಾಮಾಂತರದಲ್ಲಿ ಡಿ.ಕೆ.ಸುರೇಶ್‌ ಸೋಲನುಭವಿಸುತ್ತಾರೆಂಬ ಭವಿಷ್ಯ ನಿಜವಾಗಿದೆ.