ಆಧಾರ್‌ ತಿದ್ದುಪಡಿ: ಶೀಘ್ರ 114 ಸೇವಾ ಕೇಂದ್ರಗಳ ಸ್ಥಾಪನೆ

Team Udayavani, Dec 17, 2019, 5:05 PM IST

ಹೊಸದಿಲ್ಲಿ: ಆಧಾರ್‌ ತಿದ್ದುಪಡಿಯನ್ನು ಸುಲಭ ಸಾಧ್ಯವಾಗಿಸಲು ದೇಶದ ಪ್ರಮುಖ 53 ನಗರಗಳಲ್ಲಿ ಒಟ್ಟು 114 ಆಧಾರ್‌ ಸೇವಾಕೇಂದ್ರಗಳನ್ನು ಸ್ಥಾಪಿಸಲು ಆಧಾರ್‌ ಪ್ರಾಧಿಕಾರ (ಯುಐಎಡಿಐ) ಉದ್ದೇಶಿಸುದ್ದು, ಇವುಗಳಲ್ಲಿ 21 ಸಿದ್ಧಗೊಂಡಿವೆ.

ಆಧಾರ್‌ ಸೇವಾ ಕೇಂದ್ರಗಳಲ್ಲಿ ಸಾರ್ವಜನಿಕರು ತಮ್ಮ ಮೊಬೈಲ್‌ ಸಂಖ್ಯೆ, ವಿಳಾಸ, ಹೆಸರು, ಹುಟ್ಟಿದ ಸ್ಥಳ, ಬಯೋಮೆಟ್ರಿಕ್‌, ಲಿಂಗ್‌ ವಿವರ ಇತ್ಯಾದಿಗಳನ್ನು ಅಪ್ಡೆàಟ್‌ ಮಾಡಬಹುದು. ಸದ್ಯ ಇಂತಹ ಸೇವಾಕೇಂದ್ರಗಳಲ್ಲಿ ಎರಡು ಕರ್ನಾಟಕದಲ್ಲಿ ಸ್ಥಾಪನೆಯಾಗಲಿವೆ. ಒಂದು ಬೆಂಗಳೂರಿನಲ್ಲಿ, ಇನ್ನೊಂದು ಮೈಸೂರಿನಲ್ಲಿ ಇರಲಿವೆ. ಆಧಾರ್‌ ತಿದ್ದುಪಡಿಗೆ 50 ರೂ.ಗಳನ್ನು ಪಾವತಿಸಬೇಕಾಗುತ್ತದೆ. ಒಂದು ವೇಳೆ ಸನಿಹದಲ್ಲಿ ಆಧಾರ್‌ ಸೇವಾ ಕೇಂದ್ರಗಳು ಇರದಿದ್ದರೆ ಸಾರ್ವಜನಿಕರು ತಮ್ಮ ಸನಿಹದ ಪೋಸ್ಟಾಫೀಸ್‌, ಬ್ಯಾಂಕ್‌ಗಳು ಇತ್ಯಾದಿ ಆಧಾರ್‌ ಕೇಂದ್ರಗಳಲ್ಲಿ ತಿದ್ದುಪಡಿ/ಅಪ್ಡೆàಟ್‌ ಮಾಡಿಸಿಕೊಳ್ಳಬಹುದು. ಸದ್ಯ ಇಂತಹ 35 ಸಾವಿರ ಕೇಂದ್ರಗಳು ದೇಶಾದ್ಯಂತ ಕಾರ್ಯಾಚರಿಸುತ್ತಿವೆ.