Adjustment Politcs: ಬಿವೈವಿ ಹೊಂದಾಣಿಕೆ ದಾಖಲೆ ಬಿಡುಗಡೆ ಮಾಡಲಿ: ಶಾಸಕ ಯತ್ನಾಳ್‌

"ಡಿಕೆಶಿಯಿಂದ 20 ಪತ್ರಗಳಿಗೆ ವಿಜಯೇಂದ್ರ ಅಂಕಿತ'

Team Udayavani, Dec 2, 2024, 7:35 AM IST

ಬೆಳಗಾವಿ: ಬಿಜೆಪಿ ರಾಜ್ಯಾಧ್ಯಕ್ಷ ಬಿ.ವೈ.ವಿಜಯೇಂದ್ರ ಅವರು ಡಿಸಿಎಂ ಡಿ.ಕೆ. ಶಿವಕುಮಾರ್‌ ಬಳಿ 20 ಪತ್ರ ಗಳಿಗೆ ಸಹಿ ಮಾಡಿಸಿಕೊಂಡಿರುವ ವೀಡಿಯೋ ನನ್ನ ಬಳಿ ಇದೆ. ಅದನ್ನು ಬಿಡುಗಡೆ ಮಾಡಲೇ ಎಂದು ವಿಜಯಪುರ ಶಾಸಕ ಬಸನಗೌಡ ಪಾಟೀಲ್‌ ಯತ್ನಾಳ್‌ ಹೊಸ ಬಾಂಬ್‌ ಸಿಡಿಸಿದ್ದಾರೆ.

ನಾವು ಪ್ರತಿಭಟನೆ ನಡೆಸುತ್ತಿರು ವಾಗಲೇ ಅವರು ಈ ರೀತಿ ಕಾಂಗ್ರೆಸ್‌ ಜತೆಗೆ ಹೊಂದಾಣಿಕೆ ಮಾಡಿಕೊಳ್ಳುತ್ತಿ ದ್ದಾರೆ. ವಾಲ್ಮೀಕಿ ಹಗರಣದ ವಿರುದ್ಧ ನಾವು ಹೋರಾಟ ಮಾಡುವ ವೇಳೆ ಅವರು ಡಿಕೆಶಿ ಬಳಿ ಬಂದು ಸಹಿ ಮಾಡಿಸಿಕೊಂಡಿರುವುದನ್ನು ನೋಡಿ ದ್ದೇನೆ. ಈ ವೀಡಿಯೋ ಬಿಡುಗಡೆ ಮಾಡಲೇ ಎಂದು ಸುದ್ದಿಗಾರರ ಜತೆ ಯತ್ನಾಳ್‌ ಪ್ರಶ್ನಿಸಿದರು.

ವಿಜಯೇಂದ್ರ ಸುಮ್ಮನೆ ಇದ್ದರೆ ಒಳ್ಳೆಯದು. ಯಡಿಯೂರಪ್ಪ ಕುಟುಂಬದ ವಿರುದ್ಧ ಏನೂ ಮಾತನಾಡ ದಂತೆ ವರಿಷ್ಠರು ಸೂಚನೆ ನೀಡಿದ್ದಾರೆ. ಕೇವಲ ವಕ್ಫ್‌ ಬಗ್ಗೆ ಮಾತನಾಡುವಂತೆ ಹೇಳಿದ್ದಾರೆ. ಹೀಗಾಗಿ ನಾನು ಯಾವುದೇ ವಿಷಯ ಬಹಿರಂಗವಾಗಿ ಮಾತನಾಡುವುದಿಲ್ಲ ಎಂದರು.

ಬಿಎಸ್‌ವೈ ಕೂಡ ಬಂದಿದ್ದರು: ಡಿಕೆಶಿ
ಬೆಂಗಳೂರು: ನಾನು ಈ ರಾಜ್ಯದ ಡಿಸಿಎಂ. ಈ ಹಿಂದೆ ಬಿ.ಎಸ್‌. ಯಡಿಯೂರಪ್ಪ ಕೂಡ ಕ್ಷೇತ್ರದ ಕೆಲಸಗಳ ಕುರಿತು ಒಂದಿಷ್ಟು ಪತ್ರಗಳಿಗೆ ಸಹಿ ಹಾಕಿಸಿ ಕೊಂಡು ಹೋಗಿದ್ದರು ಎಂದು ಡಿಸಿಎಂ ಡಿ.ಕೆ. ಶಿವಕುಮಾರ್‌ ಹೇಳಿದರು. ಯತ್ನಾಳ್‌ ಮಾತಿಗೆ ಪ್ರತಿಕ್ರಿಯೆ ಎಂಬಂತೆ ಮಾತ ನಾಡಿದ ಡಿಕೆಶಿ, “ನಾನು ಅವರ ಕ್ಷೇತ್ರದ ಕೆಲಸ ಮಾಡಿಕೊಡ ಬಹುದು, ಮುಂದಕ್ಕೂ ಆ ಕಾರ್ಯ ಮಾಡಬಹುದು. ಏಕೆಂದರೆ ಅದು ನನ್ನ ಕರ್ತವ್ಯ’ ಎಂದರು.