Ali Trophy: ಸಯ್ಯದ್‌ ಮುಷ್ತಾಕ್‌ ಅಲಿ ಟ್ರೋಫಿ: ಮುಂಬಯಿಗೆ ಪ್ರಶಸ್ತಿ ಸಂಭ್ರಮ

ಮಧ್ಯಪ್ರದೇಶ ತಂಡವನ್ನು 5 ವಿಕೆಟ್‌ಗಳಿಂದ ಸೋಲಿಸಿದ ಮುಂಬಯಿ

Team Udayavani, Dec 16, 2024, 4:30 AM IST

ಬೆಂಗಳೂರು: ಆಲ್‌ರೌಂಡ್‌ ಆಟದ ಪ್ರದರ್ಶನ ನೀಡಿದ ಮುಂಬಯಿ ತಂಡವು ರವಿವಾರ ನಡೆದ ಸಯ್ಯದ್‌ ಮುಷ್ತಾಕ್‌ ಅಲಿ ಟ್ರೋಫಿಗಾಗಿ ನಡೆದ ಕ್ರಿಕೆಟ್‌ ಕೂಟದ ಫೈನಲ್‌ನಲ್ಲಿ ಮಧ್ಯಪ್ರದೇಶ ತಂಡವನ್ನು 5 ವಿಕೆಟ್‌ಗಳಿಂದ ಸೋಲಿಸಿ ಪ್ರಶಸ್ತಿ ಗೆದ್ದುಕೊಂಡಿತು. ಮುಂಬಯಿ ತಂಡವು ಈ ಪ್ರಶಸ್ತಿಯನ್ನು ಎರಡನೇ ಬಾರಿ ಜಯಿಸಿದೆ. ಈ ಹಿಂದೆ 2022ರಲ್ಲಿ ಈ ಪ್ರಶಸ್ತಿ ಜಯಿಸಿತ್ತು.

ಫೈನಲ್‌ನಲ್ಲಿ ಮೊದಲು ಬ್ಯಾಟಿಂಗ್‌ ನಡೆಸಿದ ಮಧ್ಯ ಪ್ರದೇಶ ತಂಡವು ರಜತ್‌ ಪಟಿದಾರ್‌ ಅವರ ಆಕರ್ಷಕ ಆಟದಿಂದಾಗಿ 8 ವಿಕೆಟಿಗೆ 174 ರನ್ನುಗಳ ಸವಾಲೆಸೆಯುವ ಮೊತ್ತ ಪೇರಿಸಿತು. ಇದು ಈ ಕೂಟದಲ್ಲಿ ಪಟಿದಾರ್‌ ಅವರ ಐದನೇ ಅರ್ಧ ಶತಕವಾಗಿದೆ. 40 ಎಸೆತ ಎದುರಿಸಿದ ಅವರು 6 ಬೌಂಡರಿ ಮತ್ತು 6 ಸಿಕ್ಸರ್‌ ನೆರವಿನಿಂದ 81 ರನ್‌ ಹೊಡೆ ದರು. ಇದಕ್ಕುತ್ತರವಾಗಿ ಭಾರತ ತಂಡ ದಲ್ಲಿ ಆಡಿದ ಅನುಭವವಿರುವ ಆಟ ಗಾರರನ್ನು ಒಳಗೊಂಡ ಮುಂಬೈ ತಂಡವು 17.5 ಓವರ್‌ಗಳಲ್ಲಿ ಐದು ವಿಕೆಟಿಗೆ 180 ರನ್‌ ಪೇರಿಸಿ ವಿಜಯಿಯಾಯಿತು.

ಅಜಿಂಕ್ಯ ರಹಾನೆ, ಸೂರ್ಯಕುಮಾರ್‌ ಯಾದವ್‌ ಅವರ ಸಮಯೋಚಿತ ಆಟದಿಂದ ಮುಂಬಯಿ ಸುಲಭವಾಗಿ ಜಯ ಸಾಧಿಸು ವಂತಾಯಿತು. ರಹಾನೆ 30 ಎಸೆತಗಳಿಂದ 37 ಹಾಗೂ ಸೂರ್ಯಕುಮಾರ್‌ ಯಾದವ್‌ 35 ಎಸೆತಗಳಿಂದ 48 ರನ್‌ ಹೊಡೆದರು. 4 ಬೌಂಡರಿ ಮತ್ತು 3 ಸಿಕ್ಸರ್‌ ಬಾರಿಸಿದರು. ಅಂತಿಮ ಹಂತದಲ್ಲಿ ಸುರ್ಯಾನ್ಸ್‌ ಶೆಡೆj 15 ಎಸೆತಗಳಿಂದ 36 ರನ್‌ ಗಳಿಸಿ ಅಜೇಯರಾಗಿ ಉಳಿದರು. ಮೂರು ಬೌಂಡರಿ ಮತ್ತು ಮೂರು ಸಿಕ್ಸರ್‌ ಬಾರಿಸಿದರು.

ಸಂಕ್ಷಿಪ್ತ ಸ್ಕೋರು: ಮಧ್ಯ ಪ್ರದೇಶ 8 ವಿಕೆಟಿಗೆ 174 (ರಜತ್‌ ಪಟಿದಾರ್‌ 81, ಸುಭಾಂಶು ಸೇನಾಪತಿ 23, ಶಾದೂìಲ್‌ ಠಾಕೂರ್‌ 41ಕ್ಕೆ 2, ರಾಯ್‌ಸ್ಟನ್‌ ಡಯಾಸ್‌ 32ಕ್ಕೆ 2), ಮುಂಬಯಿ 17.5 ಓವರ್‌ಗಳಲ್ಲಿ 5 ವಿಕೆಟಿಗೆ 180 (ಅಜಿಂಕ್ಯ ರಹಾನೆ 37, ಸೂರ್ಯಕುಮಾರ್‌ ಯಾದವ್‌ 48, ಸುರ್ಯಾನ್ಸ್‌ ಶೆಡೆj 36 ಔಟಾಗದೆ, ತ್ರಿಪುರೇಶ್‌ ಸಿಂಗ್‌ 34ಕ್ಕೆ 2).