67ನೇ ವಯಸ್ಸಲ್ಲಿ ಪಿಎಚ್‌.ಡಿ. ಪಡೆದ ವಡೋದರಾ ಮಹಿಳೆ

Team Udayavani, Jun 23, 2021, 6:56 AM IST

ವಡೋದರಾ: “ಅಯ್ಯೋ ಅರವತ್ತು ವರ್ಷ ಆಯ್ತು. ರಾಮಾ, ಕೃಷ್ಣಾ ಎಂದು ಧ್ಯಾನ ಮಾಡುತ್ತಾ ದಿನ ಕಳೆಯುವುದು’- ಇದು ಸಾಮಾನ್ಯವಾಗಿ ಇಳಿ ವಯಸ್ಸಿನವರು ಹೇಳುವ ಮಾತು. ಆದರೆ ಗುಜರಾತ್‌ನ ವಡೋದರಾದ ಉಷಾ ಲೋದಯಾ ಅವರ ಕತೆಯೇ ಬೇರೆ. ಕಲಿಯುವುದರಲ್ಲಿ ಚುರು­ಕಾ­ಗಿದ್ದ ಅವರಿಗೆ 16ನೇ ವಯಸ್ಸಿ­ನಲ್ಲಿ ವಿವಾಹ ನಿಶ್ಚಯವಾಗಿತ್ತು. ಬಿಎಸ್‌ಸಿ ಮೊದಲ ವರ್ಷದಲ್ಲಿ ದ್ದಾಗ ಮದುವೆ­­ಯಾದ್ದರಿಂದ ಶಿಕ್ಷಣ ಅರ್ಧಕ್ಕೇ ನಿಲ್ಲಿಸಬೇಕಾಯಿತು. ಅಂಥವರು ಐದು ದಶಕಗಳ ಬಳಿಕ 67ನೇ ವಯಸ್ಸಿನಲ್ಲಿ ಅವರು ಪಿಎಚ್‌.ಡಿ ಪೂರ್ತಿ ಮಾಡಿದ್ದಾರೆ. ಕೆಲವು ದಿನಗಳ ಹಿಂದಷ್ಟೇ ಅದಕ್ಕೆ ಸಂಬಂಧಿಸಿದ ಮೌಖೀಕ ಸಂದರ್ಶನ (ವೈವಾ) ಕೂಡ ಪೂರ್ತಿಯಾಗಿದೆ.

ಮದುವೆ ಬಳಿಕ ಪತಿಯ ಪ್ರೋತ್ಸಾಹದಿಂದ ಬಿಎಸ್‌ಸಿ ಪೂರ್ತಿಗೊಳಿಸಿದ ಅವರು, ಮಹಾರಾಷ್ಟ್ರದ ಶತ್ರುಂಜಯ ಅಕಾಡೆಮಿಯಿಂದ ಜೈನ ಸಿದ್ಧಾಂತದಲ್ಲಿ ಸ್ನಾತಕೋತ್ತರ ಪದವಿ ಪಡೆದ ಬಳಿಕ ಅದೇ ವಿಚಾರದಲ್ಲಿ ಅವರು ಸಂಶೋಧನ ಪ್ರಬಂಧ ಮಂಡಿಸಿದ್ದಾರೆ. 7ನೇ ತರಗತಿಯಲ್ಲಿ ವೈದ್ಯೆಯಾಗಬಯಸಿದ್ದೆ. ನಿಜವಾದ ವೈದ್ಯೆ ಅಲ್ಲದಿದ್ದರೂ ನಾನು ಈಗ ನನ್ನ ಹೆಸರಿನ ಮೊದಲು “ಡಾ’ ಎಂದು ಹಾಕಿಕೊಳ್ಳಬಹುದು ಎಂದು ಹೆಮ್ಮೆಯಿಂದ ಹೇಳುತ್ತಾರೆ.