ಬೀದರ್ ನಲ್ಲಿ ರವಿವಾರ ಕೋವಿಡ್ ಸೊಂಕಿಗೆ 1 ಸಾವು, 67ಹೊಸ ಪ್ರಕರಣ ಪತ್ತೆ

Team Udayavani, Aug 30, 2020, 6:28 PM IST

ಬೀದರ್ : ಹೆಮ್ಮಾರಿ ಕೋವಿಡ್ ಸೋಂಕಿಗೆ ಗಡಿ ನಾಡು ಬೀದರ್ ನಲ್ಲಿ ರವಿವಾರ ಮತ್ತೊಬ್ಬರು ಬಲಿಯಾಗಿದ್ದು, 67 ಹೊಸ ಪಾಸಿಟಿವ್ ಪ್ರಕರಣಗಳು ವರದಿಯಾಗಿವೆ. ಇದರೊಂದಿಗೆ ಜಿಲ್ಲೆಯಲ್ಲಿ ಮೃತರ ಸಂಖ್ಯೆ 134ಕ್ಕೆ ಮತ್ತು ಸೋಂಕಿತರ ಸಂಖ್ಯೆ 4505ಕ್ಕೆ ಏರಿಕೆ ಆಗಿದೆ.

ಬೀದರ್ ನಗರ- ತಾಲೂಕಿನಲ್ಲಿ 21 ಪಾಸಿಟಿವ್ ಕೇಸ್‌ಗಳು ಪತ್ತೆಯಾಗಿದ್ದು, ಒಟ್ಟು ಸಂಖ್ಯೆ 1616ಕ್ಕೆ ವೃದ್ಧಿಸಿದೆ. ಭಾಲ್ಕಿ ತಾಲೂಕಿನಲ್ಲಿ 14 ಪ್ರಕರಣಗಳು ದೃಢಪಟ್ಟಿದ್ದು, ಒಟ್ಟು ಸಂಖ್ಯೆ 659ಕ್ಕೆ ತಲುಪಿದೆ. ಬಸವಕಲ್ಯಾಣ ತಾಲೂಕಿನಲ್ಲಿ 13 ಸೋಂಕಿತರು ಪತ್ತೆಯಾಗಿದ್ದು, ಒಟ್ಟು ಸಂಖ್ಯೆ 736ಕ್ಕೆ ಏರಿಕೆಯಾಗಿದೆ. ಹುಮನಾಬಾದ ತಾಲೂಕಿನಲ್ಲಿ 9 ಪಾಸಿಟಿವ್ ಪತ್ತೆಯಾಗಿದ್ದು, ಒಟ್ಟು ಸಂಖ್ಯೆ 786ಕ್ಕೆ ಹೆಚ್ಚಿದೆ. ಔರಾದ ತಾಲೂಕಿನಲ್ಲಿ 9 ಸೋಂಕಿತರ ಕೇಸ್ ದೃಢಪಟ್ಟಿದ್ದು, ಒಟ್ಟು ಸಂಖ್ಯೆ 678ಕ್ಕೆ ವೃದ್ಧಿಸಿದೆ. ಇತರೆ ಜಿಲ್ಲೆ- ರಾಜ್ಯದ 1 ಕೇಸ್ ಸೇರಿ ಒಟ್ಟು 30 ಪಾಸಿಟಿವ್ ಪ್ರಕರಣಗಳು ವರದಿಯಾಗಿವೆ.

ಜಿಲ್ಲೆಯಲ್ಲಿ ಈಗ ಕೋವಿಡ್- 19 ವೈರಸ್ ದೃಢ ಪ್ರಕರಣಗಳ ಸಂಖ್ಯೆ 4505 ಆದಂತಾಗಿದೆ. ರವಿವಾರ 21 ಜನ ಸೋಂಕಿತರು ಚಿಕಿತ್ಸೆಯಿಂದ ಗುಣಮುಖರಾಗಿ ಬಿಡುಗಡೆಯಾಗಿದ್ದು, ಒಟ್ಟು ಬಿಡುಗಡೆ ಆದವರ ಸಂಖ್ಯೆ 3719ಕ್ಕೆ ಏರಿಕೆ ಆಗಿದೆ. ಇನ್ನೂ 648 ಸಕ್ರೀಯ ಪ್ರಕರಣಗಿವೆ. ಜಿಲ್ಲೆಯಲ್ಲಿ ಈವರೆಗೆ 68266 ಜನರ ಗಂಟಲು ದ್ರವ ಮಾದರಿಯ ಪರೀಕ್ಷೆ ನಡೆಸಲಾಗಿದ್ದು, ಈ ಪೈಕಿ 63183 ಮಂದಿಯದ್ದು ನೆಗೆಟಿವ್ ಬಂದಿದೆ. ಇನ್ನೂ 578 ಜನರ ಫಲಿತಾಂಶ ಬರಬೇಕಿದೆ.

ಸೋಂಕಿತನ ಸಾವು: ಕೊರೊನಾ ಸೋಂಕಿನಿಂದ ಬಳಲುತ್ತಿದ್ದ ಕಮಲನಗರ ಪಟ್ಟಣದ ವ್ಯಕ್ತಿ ರವಿವಾರ ಮೃತಪಟ್ಟಿದ್ದಾರೆ. 73 ವರ್ಷದ ಈ ವ್ಯಕ್ತಿ ಕೆಮ್ಮು, ಜ್ವರ, ತೀವ್ರ ಉಸಿರಾಟದ ತೊಂದರೆಯಿಂದ ಬಳಲುತ್ತಿದ್ದರು. ಚಿಕಿತ್ಸೆಗಾಗಿ ಬ್ರಿಮ್ಸ್ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಚಿಕಿತ್ಸೆ ಫಲಿಸದೇ ಮೃತಪಟ್ಟಿದ್ದಾರೆ.