ಕೇರಳದ ಕಣ್ಣೂರಿನ ಒಂದೂವರೆ ವರ್ಷದ ಮಗುವಿನ ಚಿಕಿತ್ಸೆಗೆ ಸಿಕ್ಕಿತು 18 ಕೋಟಿ ರೂ.

Team Udayavani, Jul 7, 2021, 7:05 AM IST

ಕಣ್ಣೂರು: ಸ್ಪೈನಲ್‌ ಮಸ್ಕಾಲಾರ್‌ ಅಟ್ರೋಫಿ ( spinal muscular atrophy- SMA) ಕಾಯಿಲೆಗೆ ತುತ್ತಾಗಿರುವ ಕೇರಳ ಕಣ್ಣೂರಿನ ಒಂದೂವರೆ ವರ್ಷದ ಮೊಹ ಮ್ಮದ್‌ಗೆ 18 ಕೋಟಿ ರೂ. ನೆರವು ದಾನಿಗಳಿಂದ ಹರಿದು ಬಂದಿದೆ.

ಆ ಮಗುವಿಗೆ ಉಂಟಾಗಿ ರುವ ಕಾಯಿಲೆಗೆ ಔಷಧ, ಝೋಲ್‌ಗೆನ್ಸ್ಮಾ (Zolgensma)ಅಮೆರಿಕ ದಿಂದ ತರಿಸ ಬೇಕಾದ ಅನಿವಾರ್ಯತೆ ಇದೆ. ಸ್ಪೈನಲ್‌ ಮಸ್ಕಾಲಾರ್‌ ಅಟ್ರೋಫಿ ನರವ್ಯೂಹವನ್ನು ಬಾಧಿಸುತ್ತದೆ. ಇದರಿಂದಾಗಿ ಚಲಿಸಲೂ ಕೂಡ ಅಸಾಧ್ಯವಾಗುತ್ತದೆ.

ಆತನ ಸಹೋದರಿಗೆ ಕೂಡ ಇದೇ ಸಮಸ್ಯೆ ಬಾಧಿಸುತ್ತಿದೆ. ಈ ಬಗ್ಗೆ ಮಾತನಾಡಿದ ಕಲ್ಲಿಶ್ಕೇರಿ ಕ್ಷೇತ್ರದ ಶಾಸಕ ಎಂ.ವಿಜಿನ್‌ ಒಂದು ವಾರದ ಅವಧಿಯಲ್ಲಿ ಇಷ್ಟು ದೊಡ್ಡ ಮೊತ್ತ ಹರಿದುಬಂದಿದೆ ಎನ್ನುವುದು ನಂಬಲು ಕಷ್ಟವಾಗುತ್ತಿದೆ ಎಂದರು. ಮಕ್ಕಳ ತಂದೆ ಮಧ್ಯಪ್ರಾಚ್ಯ ರಾಷ್ಟ್ರದಲ್ಲಿ ಎ.ಸಿ. ಟೆಕ್ನೀಶಿಯನ್‌ ಆಗಿ ಕೆಲಸ ಮಾಡುತ್ತಿದ್ದಾರೆ.